USA gam, Illinois State, Chicago khuapi a teng Suangsang/ Pyidawtha Khuami Pi Vung Khan Dim, Kum 58 (Milun beh) in abeisa May 23, 2017 ni sunnung 2:15PM hun-in sunglam damlohnatawh mual ong liamsanta cihthu i zakmanin Zomi Innkuan USA kipawlna in nakpitakin kidahpih, ki lainatpih mahmah hi.
Nu Dim pen Zogam, Laitui Khuami Kawlpi ateng Gualnam beh Pu Kham Khan Thang @ Artist Ko Phoo Thang in a itmahmah azi hi-in Zomi khangthakte sungah i angtanpih mahmah Tg. Peter Thang Sian Mung @ Ko Paukxii Zomi Corner Computer Designer leh Tg. Lian Sian Muang te Pianna Tunnnu ahihi. Pa Thang leh Nu Dim pen a Tatengtawh nuamtaka Nuntakhuasakding lunggulhna hangin abeisa August 09, 2016 ni-in Chicago Khuapi, USA ongtung uh ahihi.
Pa Thang te innkuanpen Chicago khuapi bulphuh Zomite kipawlkhopna Chicago Zomi Innkuan ah Pawlmi kiciankhat leh ZIUSA Genvai Kipawlkhopna ah Active Member khat ahihmanin ZIUSA Kipawlna in Thukhun ombangin Luangphamna sum Chicago Zomi Innkuan Kipawlna tungtawnin kipiakhiadinga, Paakkual khattawh Mangpha khakna kinei ding hi.
I it mahmah Nu Dim tawh a nunungpen hunzatkhopding pen ongtungding May 27, 2017 (Saturday) ni 1:00PM ~ 2:30PM hun in Chicago Zomi Community Church (CZCC) 715 N. Carlton St, Wheaton, IL 60187 ah CZCC Pawlpi Senior Pastor Dr. Lian Sian Mung makaihna tawh a nunungpen hehnep hunbawlna kineidinga tuakhitciangin Assumption Cemetery 1 S. 510 Winfield Rd, Wheaton, IL 60189 ah vuina kinei dinghi.
I it mahmah Nu Dim ongnusiatna hanga adah akap, alunglengkhuangai pianpih sanggam laizomteng leh khuapihtuipih tanaumeltheih, Pawlpimi, Zomipih akuamapeuh leh adiakin anusiat a itmahmah A Pasal Pa Thang leh atate Ko Paukxiii te unau tungah ibiak Vanglian Pasian khasiangtho in aluang khituite ong nulsakhenla lungnoptawldamna ongguatsak kimciat tahen cih Zomi Innkuan USA kipawlna in thu kongngetpih uhhi.
Dahpihna lianpitawh,
Pa Tual Sawm Lian
Secretary of Genvai
Zomi Innkuan USA, Inc.
Tulsa, OK
May 25, 2017
Comment piaknop aomleh...