Dahna Pulakna: Mangpha Pa Thang Lian Hau

Dahna Pulakna: Mangpha Pa Thang Lian Hau

Zomi Innkuan USA
Executive Committee

Dahna Pulakna: Mangpha Pa Thang Lian Hau

Texas State, Fort Worth khuapi a teng, Zogam pan Khuamun khuami, Pa Thang Lian Hau (Thang Cin Hau) in damlohna hang tawh October 1, 2014 ni in Community Hospice of Texas Zatopi panin a leitung nuntakna hong nusia hi. Pa Thang Lian Hau in hong nusiat laitak in kum (50) a cingpan hi a, a it mahmah a zi Nu Man En Cing, leh tanu (1) leh tapa (2) tawh US gam ahong tun’ zawh uh kha (3) tangbek hipan hi. US gam ah kikhuasa in nuntakna athak a kipan theilian ding, a khangnolai inn papi khat ahih hangin lam-etlohpi in hong nusiabaihlua ahih manin dahna kawmkaal ah na kisa mahmah a, kikhasia mahmah hi.

Pa Thang Lian Hau hong nusiatna hangin adah akap a om, a zi a tate leh meeltheih tanaute, pawlpi mipihte a kipan khuapih tuipihte tawh a kibang in Zomi Innkuan USA kipawlna Executive Committee pawlzong kidah mahmah hi.

Pa Thang Lian Hau-te innkuan US gam a hong tunphet a kipan in Zomi Innkuan USA kipawlna mungpi khat ahi Zomi Innkuan Fort Worth kipawlna pan Makaite in limtak in na vaidawn thei uh a, ZIUSA Genvai ahong pom theihna dingun geelna om himahleh a hun lap-in vai kihawm theilo ahih manin kikhasia sawnsawn hi. Dahna kithuap himah leh a bawlpa Pasian in a hun tung sakta ahih manin Zomi Innkuan USA kipawlna in dahna pulakna in Paakkual khat tawh mangpha kikhak ding hi.

Pa Thang Lian Hau tawh hun nunung pen October 4, 2014 (Saturday) ni sun 12:30PM hun in Skyvue Funeral Home ah kizang ding a, Memorial Garden hanmual ah kikha ding hi.

Pa Thang Lian Hau hong nusiatna hangin adah akap lungleng khuangai a om laizom u leh nau, nu leh pa, lawm leh gual khempeuh tung ah anungta Pasian in hong hehnem henla, adamlai teng cidam takin nisim mabante kalsuan in, thupha tawh thathak ahong guatna dingin thu ka ngen uhhi.

Dahna tawh;

Executive Committee
Zomi Innkuan USA, Inc.

Tulsa, OK
October 3, 2014