Malaysia Construction Site khatah Crane tuksuk in nasem mi 2 denglum
Malaysia gamsung Taman Capital Tanjung Tuang housing construction ah vangik doptohna Crane khat tuksuk in nasem mi 2 denglum cih Bernama pan kiza hi.
Sarawak Fire and Rescue assistant director of operations Tiong Ling Hii in agenkhiatna ah zanni Friday nitaklam 3:50pm hunpawl in tuahsiatna apiang cihi.
Asi nasem Construction Workers mi 2 tepen numei khatleh pasal khat ahihi. Pasalpa pen kum 49 aphakhin Muhammad Bake kici a, numeinu pen kum 40 aphakhin Helen Suma Ak. Gilbert kici hi. Anih un tuahsiatna aphual ah sisuakpah uhhi.
Construction Site sungah nasem in abuai ngeingai laitak in Crane tuksuk in nasem te lakah mi 2 adenglum kici hi.
Tuahsiatna apiandan pen manlanglua in kuamah kihemmanlo a, tualak ah nasem pasalpa pen Crane ii akhuampi in dengkha cihciangbek kitheiman hi.
Tua pasalpa pen aluanghawm aki hepkhiat ciangin Crane setpi ii anuai ah numei khatzong adenglum ahihlam kimukhiapan cihi.
Tuahsiatna apian ciangin State Fire & Rescue Department te tungah huhna kingenpah a, Firefighters mi 9 leh Fire Engine 2 tawh gelhpah uhhi.
Pasalpa ii aluanghawm pen Firefighters te atunma in ki honkhiathei a, ahi zongin numeinu luanghawm pen Crane setpi nuai ah awkcip ahih manin leitoset Excavators 2 tawh domkhia uhhi.
Related: Mawtaw tailai khat atungpan Crane kiasuk in dengkha, mi 7 si
Hih tuahsiatna thu akicianzaw in akanding in Police Investigation Team te tungah ki ap cih kiza hi.
Malaysia gamsung aom Construction Site te panin tuahsiatna Accident om cihpen kizaknawh simtham ahih manin, Construction Site omna peuhmah pelhtheih aomleh pelhding hoihzaw hi. Sawltak #zomidaily
Comment piaknop aomleh...