COVID-19 Alert VII: Unemploment Insurance, Federal Pandemic Unemployment Compensation leh Pandemic Unemployment Assistance

COVID-19 Alert VII: Unemploment Insurance (UI) (State), Federal Pandemic Unemployment Compensation (FPUC) leh Pandemic Unemployment Assistance (PUA)

COVID-19 hang in US gam ah 6.6 million in unemploment benefit siau ta uh hi. Nung deuh in Unemploment insurance siau dan khat vei kong suak sak zo aa, tu in Coronavirus relief packpage (Cares Act) pan akingah Federal Kumpi te piak unemploment benefit vai hong behlap ing.

1) Unemploment insurance (State)

Hih pen ei ma state omna ciat ii deparment of Labor (state) webiste tung pan kisiau thei hi. Maryland State aa aom ten: – https://secure-2.dllr.state.md.us/NetClaims/Welcome.aspx ah direct in kisiau thei hi. Nung deuh in zong akicing in hong suak sak khin ing. Regular unemployment benefit amanlang pen in i ngah theih nang in i last name tungtawn in anuai aa dan in kisiau thei hi.

• Last name A – F tawh akipan te Monday ni in kisiau thei
• Last name G – N tawh akpan te Tuesday
• Last name O – Z tawh akipan te Wednesday.
• Last names vekpi Thursday leh Firday ni in phone tawh leh Thursday pan Sunday ni sung online tawh kisiau thei hi.

2) Federal Pandemic Unemployment Compensation (FPUC) – $600 (weekly)

Kua teng in siau thei:

• COVID-19 hang in:
• a) Nasepna ah nasep hun nai akiam te (hours cut)
• b) Nasep pan akikhawlsak te (layoff or furlough)
• c) Natna hangin nasep akikuansak lo te
• d) Quarantine abawl te
• e) Natna hangin self-isolation abawl te

FPUC pen ei ma omna state ciat ii Department of Labor website tung pan kisaiu thei ding hi. Maryland state aa om ten April 24 ni in Department of Labor website tung pan direct in siau thei ta ding hi. State unemploment insurance (UI) a ngah khin sa ten athak siau kul nawnlo aa, FPUC huhna sum pen mai payment ah (FPUC+IU) hong kibehlap ding hi. FPUC tungtawn in nipi khat $ 600 (weekly) kingah ding ahi hi. Pawlkhat te bang anih in ngah khawm uh ahih manun anasep na lui sang tam ngah zaw kici hi. Hih FPUC pen March 29, 2020 pan July 31, 2020 sung hi ding hi.

3) Pandemic Unemployment Assistance (PUA)

Hih pen State Unemploment insurance (regular IU) leh FPUC angah lo, asiau thei lo te aading Coronavirus relief packpage (Cares Act) pan atuam in akipia hi aa, self-employed, independent contractors, leh gig workers cih ten siau thei ding uh hi. COVID-19 hangaa Sushi sai khak ten zong siau thei ding uh hi. Eima omna state ii department of labor webiste tung pan kisiau thei ding hi. Maryland state sungaa om ten April kha 24 ni in Maryland deparment of labor webiste tungpan direct in kisiau thei ding hi.

US aom te aading COVID-19 hangaa nasep nei nawnlo te, na sep akikhawlsak te’ lungkiat kul lo in i uk Kumpi ten UI+FPUC cih te hong geel sak ahih manin Pasian min i phat hi. Tulai tak US ah unemploment benefit siau kitam mahmah ahih manin UI i siau sawm leh amanlang thei thei aa i siau ding hong thupi mahmah ding hi. Thomas On Sian Mung (Thomas Mung Guite) Washintong D.C April 18, 2020