Malaysia, Johor Bahru ah Company Director khatin mawtaw tutna nuai ah sum RM50,000 akoihpak kiguksak cih NST pan kiza hi. Guta te’n mawtaw kongkhakman saktam in, agukkhiat sakziau uh ahihi.
Company Director pa’n zanni nitaklam 2:15pm hunpawl in Taman Mount Austin, Jalan Mutiara lampi tungah mawtaw Parking akhawl sakpak hi a, sun an neding in apaipak ahihi.
Tua Company Director papen Bank panin aciahkhia hi a, ama Company ah nasemte khasum piakding in sum honkhat thohkhia “Withdraw” cihi. Sun an nepakding in paisawm ahih manin, asumteng mawtaw tutna “Driver’s Seat” nuai ah selsim in, ageinai aom Food Stall khatah an neding in apaipak ahihi.
Minute 2 khitkhawng ciangin mikhat agei ah pai in, na mawtaw’ kongkhak aman ki sakzan hi ci’n zasak hi. Johor Criminal Investigation Department chief Datuk Kamarul Zaman Mamat in agenkhiatna ah tua mawtaw sungah sum agukhia tepen pasal nih hi a, Motorcycle tawh taimang pah uh cih ageinai pan amukha te’n genkhia cihi.
Police te’n tua guta minih te zonsanpah uh a, ahi zongin Motorcycle nambat Plate pen ki theicianlo ahih manin, zon hamsatuam kici hi.
Thudang khatah: United Kingdom leh Jakarta khuasung ah Terror Attack aom khitzawh kidalkholhna in tulaitak Johor Bahru State sung khempeuh ah Security akikhan, aki khauhsak mahmah laitak ahihi.
Zanni akipan “Men in Black” Operation cihtawh Johor Bahru sung aom Shopping Mall tuamtuam, Iskandar Puteri, Kukup Immigration Jetty, Senai International Airport, Bandar Maharani Ferry Terminal, Mersing Bus Station cihte ah palik te’n mi kilimsit mahmah cih kiza hi.
Enforcement Team te’n tuciangciang Johor Bahru State sungah mi asit uhpen akigawm in 217 bang phakhinta ci a, tualak ah numei 67 kihel cih kiza hi.
Indonesia, Jakarta Bus Station ah nungdiak in Bomb kisukham in, mi 5 takin sihlawh a, adangzong 12 bangin liamlawh hi. United Kingdom, Manchester ahzong Ariana Grade Concert akibawl laitak in Bomb puakkham in mi 22 takin sihlawh uh a, adangzong mi 59 bangin liamlawh uhhi.
Related: Johor Bahru ah Toyota mawtaw nih kiphukha, mi 2 si in adang mi 2 liam
Tuateng huhau in Malaysia, Johor Bahru State sungahzong muanmawh khatpeuh aomkhakding cih limtak in akigin mahmah laitak in guta te’n mawtaw kongkhak satzan in sum honpikhat gukhiaman veve uhhi. Kidopding ah: Bank ATM khawngpan sum tampi na thohkhiat leh midang kuamah musak khakei in, hongki sulzuihpah khading hi. ZD Sawltak #zomidaily
Comment piaknop aomleh...