Coffee dawndawn te Skin Cancer natna ngahhak ci

Coffee dawndawn te Skin Cancer natna ngahhak ci

Nisim Coffee aduh ngaungau, Coffee dawnkeileh aomtheilo te adingin azaknop huai thuthakkhat mipilte’n Study abawlna ah mukhia uhhi. Tuapen Coffee dawnleng Skin Cancer natna ngahnading pan hongdalsaktuam cih ahihi.

Proceedings of the National Academy of Sciences (PNAS of United States) te muhkhiatna ah Coffee sung akihel Caffeine in Skin Cancer panin apiang ahi Tumor kici cimeng saval aomloh nading dalthei cihi. PNAS te Study abawlkhiatna ah Coffee nangawn vuntung ah Direct in kikoihthei, kinuhthei a, Skin Cancer apian nading panin kidalkholthei ci uhhi.

Hih thu amukhia Researcher te’n zusa tungah asinphot uh hi a, Caffeine in bangcibangin Non-melanoma Skin Cancer daltheihiam cih akanbeh laiding uhhi. Tuabanah hih Caffeine in mihing pumpi tungah bangcibang in nasemthei hiam cih telkancianna Research bawllaiding uhhi.

Non-melanoma cihpen Skin Cancer lakah natna atampen khat ahihi. Hih Non-melanoma Skin Cancer pen natna angahte kitheibaih hileh adamkiktheih nadingin kibawlthei cihi.

Coffee leh Tea sungah akihel ahi Caffeine pen ahoihlohna aom hangin, Skin Cancer dalnading in ahoihlam “Susan Lehman Cullman Laboratory for Cancer Research” pan Director Allan Conney inzong genkhia ngei hi. National Cancer Institute te genkhiatna ah United States gamsung ah kumsim in mihing 1 Million bangin nisa hangin Skin Cancer ngah uhhi cihi.

Tuaban ah hih Coffee dawnna hangmah in Alzheimer natna zong 20% bang ki ngahlo tuam cihzong Reserchers te’n mukhia uhhi. Caffeine pen ahoihlua ahihloh hangin ahoihna zong omveve cihding ahihi. ZD Sawltak #zomidaily