Cocaine akikoih Condom bekbek 60 nawmvalh in Thai gamsung alutsawm numeikhat kiman

Cocaine akikoih Condom bekbek 60 nawmvalh in Thai gamsung alutsawm numeikhat kiman

Thailand gamsung ah alutsawm Brazil numeikhat vanlengtual ah X-ray tawh akisit ciangin agil sungah Condom tawh akituam Cocaine honkhat kimu ahih main, kiman cih The Nation pan kiza hi.

Tua Brazil numeinu in guihtheih khamtheih “Cocaine” honkhat Condom tawh tuamcip in, agil sungah a nawmvalhsuk ahihi. Tua Cocaine te Thailand gamsung ah zuakkik dingin alutpihsawm laitak in Suvarnabhumi Airport panin X-ray panin aki mukhia ahihi.

Hih numeinu pen Tuesday ni in Ethiopian Airlines Flight ET628 tawh Suvarnabhumi Airport atung ahihi. Airport Gate E7 panin apusuahkhiat ciangin amel omzia pen lauthawngtuak mahmah hi.

Tuaciang in Airport sung aom Customs Officer te’nzong muangmawh uh a, X-ray tawh asit uhciangin agilsung ah Condom tawh akituamcip Cocaine honkhat mukhia uhhi.

Tua Brazilian gammi pen a Passport tungah kum 35 aphakhin, Josexelly Mendes Wanzeler kici hi.

Airport Customs Officer te’n kamphen zangin thusitna nei uhhi. Tua numeinu inzong anunung ah Thai gamsung alutma in Condom tawh akituamcip Cocaine honkhat ka nawmvalhsuk hi ci’n genkhia hi. Tuabang in Cocaine akikoih Condom bekbekpen 60 tak a nawmvalh khitciangin vanleng tungah tuangin Thailand gamsung azuan cimawk hi.

More: KFC Japan te’n “Finger Condom” bawl ~ ZD

Airport Officers te’nzong tua numeinu pen sungtholhza “laxative” nesak uh a, agilsung aomteng apaikhiat khitciangin Cocaine bangzah taktak agilsung ah puasimhiam cih ki gencianthei panding hi ci’n pulakkhia uhhi. Sawltak #zomidaily