CNF vai Update ~ Cin Lian Khai

CNF vai Update ~ Cin Lian Khai

Dear Zomi It Taktak teng, ih theihsa mahbang in hun khat lai a, Zomi sumbawl honkhat hong thahsak CNF te tawmkhat phawk kik hangh. CNF ih cihciang Chin State khempeuh huam hipeuhmah lo hi. Pu No Than Kap pawl Unau Falam lamte CNF pan a khawlna uh sawtta hi. Tua khitteh Southern Chin State lamte zong hong khawl leuleu uh hi. Tua a hih leh CNF ih cihpen Khalkha leh Thantlang sung pan hong hizaw diak ta hi. Tedim leh Tonzang panzong zumngak naseppih hon khat om lai veve hi.

Tedim ah Mipi phalna omlo in zum hong hong uh a, mipi ten zong deihlohna lung na pho ngei uh hi. Hong veve uh hi. Zomi it pawlkhat in a zum vuah Bomb nihvei puaksak khin cih ih theihsa ciat a hihi. 2015 Oct 15 ni in NCA signed uh a, Tedim huam Zimte lam ah Sakhan hong nei uh hi.

Tuhun in, Zimte gam a CNF-te’n Zomiten khua ul sisan luang, thatang/lu tawh van pua keukeu a sum athalawh uh, gan zuaka summeet tawm cikcik a delhte tungah sum dong ziahziah uh a, tua bek hilo lai in, Bukphil khua khawngah Zuu khamna bawl, amau a duh ciang ua mukei le uh heh, khuasung mite’n thuak, banah vanzuakna sai ah a deihdeih uh la-in sum pialo cih bang in gamta lai uh hi. Tua ban ah Phaltang khuathak Bulphet a kicihna mun ah Camp lambeh lai uh hi. Tua lai munpen India kumpi leh Kawl Kumpi kihodan a hih leh “Boarder Hut” kibawlna ding mun a hihi.

More: Zogam vs CNF (Laisiangtho tawh gentehna)

Zomite kipum khat in kalsuan huai luata hi. Tonzang gam ah Meitei Thautawi Beng ciing om a, Tedim gam ah CNF ten siahkai a, Zomite koi ah om hihiam? Ih gam ah bang thuneihna nei ih hiam? Thau lo tawh a ki gen theilo thu hon khat om hi.

Time for global Zomi action!

Lungdam
Cin Lian Khai (Zogamkhaino)