CNF te zuau genna kitel siang ta

Tedim – September 5
Tedim gamah CNF in leitang tampi ngen hi, cih thuthang pen maan lo hi, ci-in CNF Pupite leh Tedim a asawltak uh CNF Liaison Office te in gen uh hi. A ngetna uh USDP Makaipi Pu E. Khai in Hakha uliante’ kam pan azaksa nangawn ka ngen kei uh hi, ci-in zuau phuak ngam uh hi. tedimpost

Tu-in 2013 kum May kha sungin Pu Hung Ngai tungah angetna uh lai copy kingah a, Lennupa pen Buannel ci-in eka 250 leh Kawl kamin Lay Tha Taung ci-in Fortwhite (Thangmual dung?) teng eka 800 ngen uh ahi hi.

Amasa thuthangte ah leitang eka 800 bang akici pen a nget taktak uh eka 1000 val na hi zaw lai hi.

Hih tawh kisai thu pen MP-te, Party khempeuh leh kipawlna khempeuh in upadi zui-in kikankuat ding ahi hi.

Tedim Post