CNF tawh kisai Pu Cin Sian Thang’ kiang dotna leh dawnna

CNF tawh kisai Pu Cin Sian Thang’ kiang dotna leh dawnna

Dotna: Pu Cin Sian Thang’ tungah a ki dong nuam mahmah khat. Aman zong lah a gennop kholloh, tulaitak Kawlgam lam ah ka buai pih mahmah uh ahi tu-a President Thein Sein in ah Ceasefire Group te tawh Ceasefire la in mualtung mite, Tribalte tawh kilemna a bawl tak ciang, Chin state sung a om CNF Chin National Front, i sanggamte himah leh amau pen tuma a beisa kum 20 sung Zomi hi’ng a kici zaw deuh, Zomi veve lak pan a Tedim-Tonzang lam a i sanggamte lamah khutlum hong khialhna hang un ah mipi in ki sang thei hetlo hi.

A kisang theihloh manin zong tukum sung in ah signature campaign kici in Zogam sungah nakpitak in ah CNF te’n ah amau tulaitak a galkap kumpi mah a kici thei Thein Sein government tawh ceasefire la ding in Zogam ah lane, army post khat hong hong dingin amau’ army campte pen Tedim gam sung nangawn ah hong hih ding tak ciang, mipi numei naupang ki linglawng in, hih US gam dong ah ki lunghimawh ahih manin ah deihlohna thu kigen hi.

Hih tawh kisai in ah Pu Cin Sian Thang in, kei mimal thu ahizongin ah ka kihona ah, San Francisco na omlaitak in ah CNF makaite’n hong hopih ci-in, hih tawh kisai nang’ ngaihsut dan CNF te’ dinmun tawh kisai ei Zomite’n a theih huai nang’ san dan, a kilawm ciang khat ahi zongin, nong dawn nop kei leh zong hih tawh kisai sensitive ahih ciang dam in koih ni na cih leh zong nang thu. Tua khat nong gen thei ding hiam?

Dawnna: Lungdam ei, gentheih ding mah hi e. Thusim omlo in ah U Lian Uk, Dr. Za Hlei Thang, tua ciang khat pen amin thei kik nawm keng in ah, tua ciang in ah Nang Lian Thang, tua ciangin nih hiam aw, mangngilh ing, ka theih ngeih loh hi. Tua te’n ong dongin ah, CNF tawh ki sai kamkup na ding ahih zongin bang ahi zongin pen na ngaihsutna bang ci hiam ci? Kei dawnna ah, CNF pen kawl kumpi langpang a no pen a maan tak in ci le’ng, gampua a om illegal association sunga lut.

Ko pen Kawlgam sungah om in ah Kawlgam upadi banga a gamtang, a masa in ah ZNC party hi in, tu’n ZCD party hi ung. Tua ahih manin ko legally hi a, no pen legal taktak a hong lut nailo ceasefire sungah om. Tua ahih manin ah no tawh kamkum ding cih pen nong hih nop taktak uh leh tu’n Kawlgam kumpi tawh thau lawng khat beek ging lo pi kikaplo pi in ah kikap nawnlo phawt ding cih thu ceasefire a bawl hi uh teh.

Tua ahih manin tua pen tua banga bawl suak a Kawlgam sungah ko mahmah banga political party khat registered a nong om uh leh tua ciangin ah, no policy bang? ko policy hi teng, ei ki pawl thei ding maw, ki pawl thei lo ding? I pawl theih hetkei leh zong mipi tungah vote la ding mipi’n hong teel zawkzawk pen mipi tawh a kipawl thei hi ding. Hih democracy gamah pen no policy khat om ding, ko policy om ding mipi in khentat ding, tua hi.

Tua om nailo-in tu a mipite’n signature campaign khawng bawl a, Tedim gam ah CNF te zum hon ding cih pen, ko pen gal leh sa a hong nei a mihing 14 vilvel Saizang hausapa boomu pa kihel, tua teng kithat mawk ahih ciangin ah tuateng pen no zawgii (fined) hong pia phot ding maw? Nong lut uh leh zong tazasuai (litigate) kul ding zah dongin mipi’ lungsim om a, tuabang ahih ciangin ah tua pen legal-ful a nong lut taktak mateng uh kamkum theih omlo hi, ci in na dawng ing. Tua teng hi.

Pu Cin Sian Thang (ZNC/ZCD – President) in American gam Tulsa khuapi, Oklahoma State ah ZIUSA makaite vaihawmna tawh akibawl holimna Video panin aki teikhiasawn ahihi. Cin Khan Piang (Transcriptionist) ZomiDaily