Cisa natna tawh kisai

Cisa natna tawh kisai

Cisa natna cihpen pumpi a lumna 37C bang a phak ciangin cisa hi ki ci hi. Cisa hong kipat ciangin pumpi sungah natna khat peuhpeuh hong piang nuam hi ci in ki thei hi. Pumpi sungaa si kangte leh natna lungno te a ki do ciang in cisa hong oiang hiaa pumpi in a zawhleh damkik pah hi.

Lungno in hong zawhleh natna dangtawh kibzom thei hi. Tuabang cisat hun sungpan ni 2-4 leh ni 8-21 sungbang ziakai thei hi.

Cisa natna hong pianna

Cisa natna pen sinnatna, tuap in khuavot a thuakkhakna, khaksawh sungah sisan kihel natna te leh thopehna, nattunnatna te pan in zong hong piangthei hi.

Natna a ngahte

Cisa natna a ngah te – a cisa, a khuadam in lingliang, khua ul kai, lutangna leh thagui leh guhletang te na thei hi.

Kibawlna

Cisa natna a ngahmi a omleh tuivot a ki nuh puansia tawh a khua ul nul sak ding, maizap tawh damtak zapsak ding, tawldamtak in lum sak ding hi. Naupang kum 12 nuai a hihleh Asprin zatui pialo ding hi. Paracetamol a hihleh a nau a lian a’dingin ki zangthei hi. Tuaciangin a natna a hangkan in Zatui siamte kiangah kilak ding hi.

Nek le dawn tawh ki bawlna

Cisa natna a ngah mi in an duhlo hi. Tua a hihmanin tui tampi dawnsak ding hi. An tawn a nethei ding hong kioat nakleh damta ding hi ki ci thei hi.

A diakdiak in Vitamin A, C, E kihel singgah leh mehteh mehgah te nesak ding hi. တရုတ်ဆီးသီး, မုန်လာဥဝါ, kaithum, ပန်းကော်ဖီ, hai, zasan, tui kaithum, သံပုရာ, ကြက်သွန်နီ, ကြက်သွန်ဖြူ cihte neksak huai mahmah hi.

Nekloh ding te

Sathau tawh a ki kang leh ankhauh namte ki dek ding hi. Coffee, niangtui leh a khum namte ki dek ding hi. Tuisiang tampi dawn ding thupi hi. Book Ref: ရောဂါနှင့် အစားအစာ Written by: ဒေါက်တာ မီမီကို Deihsakna tawh: Siamsin Library