China ah sangnaupang kum 13 aphapan khatin anu thatlum, alu tankhia

China ah sangnaupang kum 13 aphapan khatin anu thatlum, alu tankhia

China ah naupang pasalno kum 13 aphapan khatin apianna anu thatlum in alu zong tankhiatsak cih Straits Times pan kiza hi. Tuabang in anu athah laitak pen Video kizaih in Social Media tungah khahkhia cisawnsawn hi.

Chinese Media te genkhiatna ah hih thupiang pen Sichuan Province sung aom Dazhu County ah thupiang cihi.

Chinese News Site minthangkhat ahi The Paper te’n hih thupiang pen abeisa Wednesday ni in pulakkhia uh a, Dazhu County sung aom naupangno kum 13 aphapan khatin anu thatlum hi ci’n pulakkhia uhhi.

Avengte ii genna ah tua naupangno pen sangnaupang khat hi a, Secondary School akahlaitak cihi. A innsung ah api apu tetawh aomkhawm uh cihi.

Hih naupangno in apianna anu tektek pen thatlum in, athahlup laitak Video zong amahtek in WeChat kici Social Media tungah khahkhia hi ci’n Radio Free Asia Chinese News Channel te’nzong pulakkhia uhhi.

Anu athahlup khitciangin bangmah thubuai apianghetlo bangkek in sanginn ah sangkahding in kuankhia cihi. Tua Video pen alawmte khatin amuh ciangin Police Report kibawl a, tua tungtawn in Police te’n mithat naupangno pen mankhiapah uhhi.

Hih thupiangtawh kisain Dazhu Authorities te’n Friday ni in Statement khat khahkhia uh a, Police Report hongkibawl ciangin sangnaupang kum 13 aphapan khatin anu athahluplam kitheikhia in, kiman khiapah hi ci’n genkhia uhhi. Athahlup anu pen kum 43 aphakhin khat hi a, a innsungtek mahah athahlup ahihi.

More: Naupangno khatin anu kiangah sumngen in benggawp

Tuciangciang athu aki theihna ah anupen innsung ah sikan “Discipline” anei mahmahkhat hi a, tuapen atapa in thuakzolo in anupen muhdahbawl cimawk hi. Tuahang in anu pen temta tawh adawtlum kici hi. Chinese Police te’n athu akicianzaw in kankhiading uh cih kiza hi. Tulai khangno, naupangno tezong….. Sawltak #zomidaily