China Eastern te vanleng vandawn ah Engine Casing kitam in amanlang in kumkik

China Eastern te vanleng vandawn ah Engine Casing kitam in amanlang in kumkik

Shanghai khuapi zuanin aleng China Eastern Airlines te vanlengkhat vandawn ah alenlaitak Mid-air Emergency hangin amanlang in Sydney zuanin kilehkik cih CNA pan kiza hi. China Eastern Airlines panin Spokeswoman khat ii genkhiatna ah Engines Casing khat avang om ci a, tua Photo zong tuni in Online ah ki khahkhia hi.

China Eastern Airlines ah General Manager (Oceania Region) asem laitak ahi Kathy Zhang in agenkhiatna ah tua akisia vanleng pen Airbus A330-200 Twin Jet namte hi a, Engine Casing siatna aom ciangin Sunday zanlam in Sydney Airport ah lehciahkik cihi.

Airport ah hoihtak kumsukthei in, hih vanleng siatna hangin Passenger aliam kuamah omlo cihi. Vanlenghawl te’n Engine veilam pen angeina banglo “Abnormal” ahih manin, amanlang in Sydney Airport kilehkikding khensak uh cihi.

Tulaitak tua vanleng pen Sydney Airport ah kikoihsuak phot a, hoihtak sitcianina Investigation kibawl cihi.

Hih vanleng tungah atuangkha Passenger khatin Broadcaster Channel Seven te agenkhiatna ah thakhatthu in “z-z-z-z-z” cihdan in aging kaza uh a, tuakhit ciangin ginngaih mahmah cihi. Meikang gimnam zong kiza cihi.

Vanleng sungah atuang khempeuh kilauthawng mahmah, ki patau mahmahtek cihi.

Australia Transport Safety Bureau te’n hih vanleng siatna ahang kancian sitsetding uh a, aki theihcian khitciangin pulakna neiding uh kici hi. A ngeina hileh hibangdan kankhiatpen khakhat bang hun beithei a, ahi zongin tuasang inzong manlangzaw khatheiding cihi.

Video: Panic as Massive HOLE Appears in Plane’s Engine Moments after Leaving Sydney Airport

Hih vanleng ii Engine abawlkhia Company ahi Rolls-Royce tezong ki zasakkhin a, amauzong hih vanleng asiatna ahang kankhiat pihding uh cihi.

China Eastern Company panin Kathy Zhang in agenna ah hih vanleng siatna vaipen vaithupi mahmahkhat hi a, China leh Australia gam panin Aivation Authorities te’n hoihtak in kancianding uh cihi.

Hih vanleng alenkhiatma in Ground-handling company Cathay Pacific te’n sitcianna aneihkhit uhciang in alengkhia ahihi. Tua Cathay Pacific tezong hihbang dotna kinei a, ahi zongin bangmah genkhiatna neinailo uhhi.

More: Melbourne leh Sydney kikal High-speed meileng lampi kibawlding

Tua ahih manin hih vaipen Engine abawlkhia Rolls Royce Company te banah gamnih panin kumpi thunei te’n kankhiading uh cih kiza hi. Sawltak #zomidaily