China ah temta hiammahmah tawh mittang ki kiatkiat saklai
China, Chengdu City sung aom sammet siammahmah “Barber” khatin sambek metlo in, mittang “Eyeball” zong siansuah sakthei, kiatsakthei cihi.
Tua sammetsiam Barber pa minpen Xiong Gaowu kici a, amahpen kum 62 phakhinta hi. Hihbang in mittang kikiatsak “Eyeball Shaving” pen abeisa kumtampi hunlai in akizang ngeizel hi a, ahi zongin tulamlam ciangin cidamna leh sianthona Hygiene tawh kituaklo, bekthamlo lauhuailua Risk tamlua ahih manin, aki zangnawnlo ahihi.
Ahi zongin Xiong Gaowu in agenkhiatna ah hihbangin Eyeball Shaving nasep kasepzawhpen kum 40 sungbang hita ci a, tua kum 40 sungah aliamsak, akiatkhialh khatzong omngeilo cihi.
Eyeball Shaving pen abeisa 20th Century hunlai in Hospital ahzong akizang hihtuak a, Trachoma kici mittang sungah natna apiangsakthei, mit ataw sakthei natna te apianloh nadingin ki kiatkhiat sakthei cihi.
Hih Xiong Gaowu inzong mittang kiatpen sepsawm nawnlo himahleh abeisa kum 40 hunsung in amakiang ah akiatsak zelzel Regular Customers te lau ngaihsutlo in, paiden uh ahih manin, temta hiammahmah tawh mite mittang sungah ninte akiatkhiatsak zelzel ahihi.
Video: Chinese barber uses KNIFE to clean eyes in Chengdu
Sichuan Provincial People’s Hospital ii mitlamtawh kisai Ophthalmology Department ah Deputy Director asemlaitak ahi Qu Chao in agenkhiatna ah hihbangin mittang temta tawh kiatsak pen lauhuai mahmah hi. Zato ah adang kibawltheihna tampi omta ahih manin, mittang temta tawh kiatsakding hinawnlo hi ci’n genkhia hi.
Related: Dahpihna leh Phawkna laikhak pawlkhat ~ Rev. Khup Za Gov
Ahi zongin akiatsak ngeisa te’n lauhetlo in kiatsaksak veve uhhi. Tuabang in akiatsakzel pasal khatin agenkhiatna ah kamitpen omdan, hahdan anoploh ciangin kiatsakleng ka khuamuhdan noptuam hi ci’n genkhia hi. Kamit meng, kamitpat, kamit sungah hongdodo om aci tepawl, nidang in hihdan in ana kisiansuah zelzel uh hihtuak hi. Sawltak #zomidaily
Comment piaknop aomleh...