China ah Kung Fu Master khatin azang ah khaukhih in Helicopter khat kaisak

China ah Kung Fu Master khatin azang ah khaukhih in Helicopter khat kaisak

China ah Kung Fu Master, Chinese Martial Arts khatin azang “Penis” ah khaukhih in Helicopter khat kaizo ahih manin Word Record ciaptehnathak ngah cih Mirror pan kiza hi. Tuapa minpen Ye Hongwei kici a, Stage Name pen “Ye Wei” inzong akithei mahmahkhat ahihi.

Abeisa inzong azang ah khaukhih in mawtaw 7 kai ngeikhin ahih manin, lamdang kisa mahmah hi.

Tutungpen atuamdiak in Military Helicopter khat azang ah khaukhih in akaisak ahihi. Official Adjudicators te leh mipi 100 val bangin en ngeingai uh a, Video aki Record zong pawlkhat ki enkikthei hi.

Akipatcil in Helicopter pen kilingzolo himahleh asungtha “Inner strength” kisal in, Helicopter pen 10 meter (32 feet 9 inches) tak kaisuakzo cimawk hi. Ataktak in akaihsawm pen meter 8 (26 feet 3 inches) bek hi a, ama angimna Target sangin sau kaizo zawmawk hi.

Agensa mahbang in Helicopter khat kaisakzo takpimawk ahih manin World Record Academy te’n pahtawina Certificate piapah uh cihi. Ye Hongwei pen East China, Shandong Province sung aom Zibo City pan ahihi. Abeisa kum 30 sungbang “zen tai chi” cih kimawlna kisinden, kimawlden cihi.

Tutung hih alamdang alahna munpen China ii Capital ahi Beijing, Fangshan District sungah ahihi. Ye Hongwei in agenkhiatna ah hih Helicopter kakaihcil in ki linglo in hong hamsa dektak a, ka patau manpian cihi. Ahi zongin athaneih teng hong kaikhawmkik in, tuapan in akaizo takpi ahihi.

Hoihtak in kaki sinbehbeh laiding a, leitung ah Record tampi ka ngahzawh nadingin ka hanciam laiding ci’n genkhia hi.

More: Leitung numei khempeuh lakpan agikpennu Operation kibawlin 100kg kiam

Ye Hongwei pen tukum April khasung inzong Audis mawtaw 7 tak avekin khaukhih in kaisak cimawk hi. Tua mawtaw teng ii agihna pen akigawm in 12.6 Tones bang phading ci a, Meter 8 (26 feet 3 inches) sung kaisakzo cihi. Hatdan zong atuamtuam hihtuak mawk ei. ZD Sawltak #zomidaily