Cartoon Video etteh in naupangno khat inndawl 10 na panin Kawllukhu tawh lengkhia

Cartoon Video etteh in naupangno khat inndawl 10 na panin Kawllukhu tawh lengkhia

Eastern China ah naupang pasalno khat Cartoon Video a etnana sungah amuhdan in amahzong inndawl 10 na panin lengkhia cihi. Kawllukhu “Umbrella” pen Parachute bangdanin zangin alengkhia hi a, silo bilbel cih South China Morning Post pan kiza hi.

Jiangusu Province, Suzhou khuasung ah thupiang hi a, asihloh hangin liamna tampi ngah ahih manin Extensive Surgery kibawlkul cihi. Suzhou TV te’n agenkhiatna ah aliamna tepen sihlawhliang nading “Life-threatening” hisamlo ci bilbel uhhi.

Atung a Photo tepen alengkhiatna innsangpi leh anuai ah atuksuk leilak ah aluplaitak ahihi. Agei ah puan eng silhin atu pen anu hi a, anuzong lunghimawhlua in khakham veilawhdet in tuksuk cihi.

Naupangno ii ameltheih te leh zato siavuan te kihona ah hih naupangno pen innah Cartoon Video enen cihi. Cartoon Video a ette sungah Umbrella pen Parachute bangdan in zangin inndawnkhawng leh asangpipi panin lengkhia in huihlak ah vasa bangin lengthei cih mukha ahih manin, naupangno inzong asinpahdan cimawk hi.

Kuto News te genkhiatna ah hihpen abeisa April 15 ni in thupiang ci uh a, naupangno pen kum 7 aphakhin pasalno khat cihi. Ama deihmahmah Catoon Character akineih cimawk hi.

Nungkhasung inzong China, Xinjiang, Urumqi khuasung aom Apartment inndawl 11 na panin numeino kum 5 khat lengkhia ngei cihi. Tuazong Kawllukhu Umbrella mah lenin alengkhia hi a, inndawl 4 na ii Balcony ah tusuk in, liamgawp cihi.

Naupangno pawlkhat in Video, TV leh Film sungah amuh khatpeuh uhpen ettehpah, ciingpah thei uh ahih manin, Sengam sungah tuavai kiso ngeingai cihi. Western Countries te mahbangin Mainland China ahzong naupangte ettheihding Cartoon Video tepen akumtawh Age-rating System zatding kumpi tungah ngetna kinei cih kiza hi.

Video: Inndawl 5 pan akiasuk naupang khat ahunlap in inndawl 2 na ah kimanthei bilbel

Superman, Spiderman cihbangdan Video pawlkhat te’nzong naupangno te lungsim zomahmah uh ahih manin, Video sungah amuhdan un adiangdiangthei naupang pawlkhat omthei hi. Naupang te’n bangdan Video en uh cihzong etcikbawlding thupi khading hi. Sawltak #zomidaily