Canada gamah ka muhkhiat thute ~ Joseph Pau

Canada gamah ka muhkhiat thute ~ Joseph Pau

51. Canada gammi suah nang in Manglai Level 04/05 zawh teitei kulhi. Tua hang in Canada gam pen Leitungah laithei a tampen in kiciam teh. Manglai Level azawh kei vua leh Kum 56 ciangin gammi suahna pia veve uhhi. Volunteer nasep pen thupisak mahmah uha, Volunteer a semsa te in nasep ngahbaih pah uhhi. Volunteer cih pen khasum ngah lo in na sep/kipiak khiatna, mihuhna/ na hoih sepna ahihi.

52. Canada gamah lo nei te in Acre tul val nei uhhi. Acrea tul nuai lam a hih leh kumpi in lolai pia nuamlo hi. Sumhau te leh lona semte in Acrea Tul 10 val bang nei uha, a lo vuah teng, ompah uhhi. A lo buk te uh mantam thei mahmah hi. A lo te uh nop cih lua hi.

53. Canada gampen leitung ah mihing te Smart pen na gamkhat in kiciam teh hi. Smart cih ciang in, ngaihbang, ithuai, etlawm cihna a hihi. Canada gammi te pen a thau lua cihbang omlo uhhi. Nek le dawn, nasep leh hunzatdan cih te ki dawm mahmah uhhi.

54. Canada gam Visa tawh na lut khitciang in na Visa pen sangkah/nasep Visa tawh ki laih thei hi. Na lut zawh phet in na hihpah kulhi. USA gammi ngahzo lo te zong Green card tawh Canada ah ki lut thei in Canada gammi ki siau thei hi. I sanggam namdang te zong USA pan in haksatna tuak te Canada gam ah 100 val hong lutkhin uhhi. Ei mi te zong hong kinawh mengmeng un.

55. Canada gam ah Refugee card nei te nam 4 in kisam, ki sponsor thei hi. (1) Canada kumpi sap (2) Pawlpi sap (3) Minam kipawlna tawh sap leh Mi 5 ki pawl in zong kisam thei hi. Canada gam ah khat in hoihtakin na I sep leh I innkuan pihteng damdam in kisam thei hi. Ka Zomi pih te aw, Canada ah hong pai geigai un, Canada address a kisap le hong ngenun maw. Canada gam ah Zato a mawkna hia, sangkah te khasum kipia lai hi. Nau pang te in zong a mau kumtawh kituak in khasum nei tek uhhi.

56. Leitung bup ah Dinosaur ganhing ( thatkit dan ganhing) aki muh khiatna zong Canada gam ahihi. Hih Dinosaur te pen a vot mahmah gam bekah omzo hi. A vunsah mahmah in, sikbang in a vun le a khe te khauh mahmah hi. Leitungbup ah Dinosaur tawh kisai Museum pen Canada gam anasia penpen le a thupi penpen a hihi.

57. Canada gam pen kha 7 sung vuk omin, kha 5 sungpen khuakhal hun ahihi. Vuk hun leh khuakhal hunbek omhi. Vuk hun ciangin guah zongzu hi. Khuakhal ciangin nisa mahmah a, zan nai 10 ciang in nitum pan hi. Vuk om ciangin Mawtaw/Bus munkhempeuh pai theilo/paizonawn lo in, Vanleng bekbek zatkul hi.

58. British Columbia Province bel guah zuden zaw hi. Canada gam ah hi province bek vuk om lo hi. Ei Asia gam tawh ki bang in guah zuzaw den hi. Hih Province khuapi minpen, Victor hia, Vancouver khuapi pen leitung ah a minthang mahmah khuapi leh a ten huai khuapi khat hi in, Sen te leh India te tampitak teng uhhi. Science World Museum zong om in nasia thupi mahmah hi.

59. Canada gam ah khuapi minthang te, 1. Toranto, 2. Vancouver, 3. Montreal, 4. Edmonton, Winnipeg, Calgary, Regina leh Quebec City, hi teng pen leitung bup level ah minthang uhhi. Ottawa pen Canada gambup Capital hia, parliament innpi pen ethuai mahmah a, asung utbang bangin ki enkawikawi thei, leitung bup ah World War Museum zong Ottawa khuapi ah om hi.

60. Leitung bup ah Mall lian penpen a 5 na pen Canada gam, Alberta province Edmonton khuapi ah om hi. Hih sai sungah van tuamtuam, mawtaw, annek tuidawn te zong kizuak hi. Hotel, Ban, (Bank) ki mawlna, te zong omhi. Kumkhat in hih mall ah mi 30.08 million pai uhhi. ( Tengsawm thum le teng giat). A liatna pen pii 5,300,000 feet in lian mahmah hi. Canada gam mite in a kisak theih pih mahmah uh a hihi. Leitung ah migilo te in kapding,suksiat dingin sawm den uhhi. Nisim in ziipai/mall pai mi 90,000 pan in 200,000 pha den hi. Thupi mahmah in ethuai mahmah hi, nasia lua hi. Mall pen Zii cihna hi.

61. Canada gamah Vuk nam 3 val kia hi. (1) Guahsi bang inkia,(Vuk malneu), (2) Gialkiat bangin kia (inn/lo dengsia) (3) Huih tawh kithuah vuk (vot cihtakin vot hi. (3) Frozen vuk pen nal cihtakin nal, khauh mahmah Votmahmah laihi. Akiatna peuhpeuh ah belh ciphi. Vuk khedap vukpuanlo tawh ki vakkhia theilohi. Adang te honggelh nawn kei ning.

62. Canada te sum lut a tam penpen Meitui/ gas hi a, hih meitui a luankhiatna mun pen khuadam mahmah hi. Phalbi sungin meitui to khiazaw/semzaw uhhi. Leitung mun gamdang te meitui omna gampen khua lum mahmah hi.

63. Canadian of Human Right Museum pen Leitung bup ah Human Right tawh kisai Museum Canada bek in nei hi. Politic ( Naiganzi ) ukte ading in ethuai mahmah hi. Leitung bup ah Politician teng a man uh leh a sepna te uh zong om hi. Nobel Prize ngah teng zong a man uh leh a ngahna thu uh ki gelhhi. Pi Aungsan suhkyi man le a nasep te zong kigelh hi. Zomi politic makai te leh nam makai te in zong en ciatni. Hih Museum pen floor 7 dong om hi. ( That 7 ) Floor 8 na pen Khuapi sung etna a hihi.

64. Canada gam pen leitung Western Countries ( Mangkang gam) ka zin kawikawi na tenglak ah a mangpau uh hoih pen hi. Siangtak leh siangtho tak in pau uhhi. Gammi te zong lai tan a niam pen Level 04 or ESL zo teitei uhhi. Canada gammi te pen nek le dawn lam ah a ki dop mahmah bang un, gammi te pen a thau tam hetlo uhhi.

65. Kum 2010 pan 2018 sung ka vanleng tuang te min, (1) Air Asia, (2) Indigo Air, (3) Air India, (4) Tiger Air, (5) Jet Star Air, (6) Nok Air, (7) Thai Air, (8) Singapore Air, (9) Lufthansa Air, (10) Emirates Air, (11) Qatar Air, (12) ANA Air, (13) American Air, (14) United Air, (15) Delta Air, (16) Frontier Air, (17) Swiss Air, (18) Norwegian Air, (19) Myanmar National Air, (20) Ryan air (21) Air Canada (22) Catha Pacific Air, (23) Sri Lanka Air, (24) West Jet Air, (25) Flair Air, (26) Korean Air. Hihteng pen Pasian hangbek in ka tuan vanleng ahihi. Leivui pan le tagah ka nuntakna hong domto in gualtawh tanbang hong kimsak Pasian a hihi.

66. Sangkah lai in Atlantic Ocean, Pacific Ocean, Indian Ocean, Arctic Ocean, sinsin teng pen tulai tak in Vanleng tawh ka khualzin na lampi hi a, hih tuipi te sungah ka kisil hi. Color Line tembaw pi ( Colar Cruise) tawh zong ka khualzit na a suak hi. Pasian pen a muanggam te ading in hoih cihtak in hoih a, a kamciam te pel geilo hi.

67. Sangkah lai in, Asia gam, Africa gam, America gam, Australia gam, European gam, cih te sangsia ten honglot ngahsak in, lai honghuansak zel uhhi. Cik mah hun in hih gam te a tung thei ding in ka ki lamen gei kei a, zong ka ngaihsun gei kei hi. Khangtangthu a khel Pasian in ka nuntakna hongkhel in, nakpi tak in kha thupha lei thupha hongpia hi. Sangkah lai in ka sin gam minthang teng pen tu in Lungdamna Gospel thu gen in ka zin kawikawi na hongsuak hi. Ma tutna, leh daupai na te Pasian hongpiak taktak hi.

68. Ka pian pan in 2018 kum ciangdong ka sum zatkhak teng honggelh ning, (1) Myanmar Kyats, (2) Indian Rupee, (3) Thai Bath, (4) Malaysian Ringgit, (5) Singapore Dollar, (6) Sri Lanka Rupee, (7) Japanese Yen, (8) South Korean Won, (9) US Dollar, (10) Qatar Riyal, (11) United Arab Emirates Dirham, (12) Danish Kroner, (13) Euro, (14) Swiss Franc, (15) Norwegian Kroner, (16) Swedish Krona, (17) Pound sterling, (18) Australian Dollar, (19) New Zealand Dollar, (20) Hong Kong Dollar, le (21) Canadian Dollar a hihi. Pasian ka neih man leh Pasian na kasep man in hih sumteng a zang kha leh a nei ka hihi.

69. Euro Sumpen Leitung gam 19 ( Countries 19) ah kizang thei hi. Sum khek kullo in a ki zangtheih lak ah a tam pen Euro sum a hihi. A sih ding zong lau huai hetlo a, khek kul vetlo in European gam 19 ah kizang hi. Euro 1000 lai leh 500 lai te leitung gam tuamtuam ah khekna haksa mahmah hi. Leitung mun khempeuh ah sum khek a baih pen leh Vanleng kuan (Air port) khempeuh ah a ki khek thei sum in US Dollar le Singapore Dollar a hihi. Topa aw, nong ompihna sungah apiangthei lo om kei. Topa hoih hi.

Hiteng honggelh ning, Na telnop zawk leh hong contact in, Nang, na Pawlpi, le i ki pawlna te in phattuamna tampi na ngah ding uhhi cih hongvai khak ing. Lungdam, Joseph Pau Ngaihte