Cambodia papi khatin azi athahkhit ciangin amahleh amah aki sihbawlna Facebook Live in khahkhia

Cambodia papi khatin azi athahkhit ciangin amahleh amah aki sihbawlna Facebook Live in khahkhia

Cambodia gamsung ah pasal khatin azilui (ex-wife) athahkhit ciangin, amahzong lei tungpanin tuaksukin kisihbawl hi. Tuabangin amahleh amah Suicide aki sihbawl laitak Facebook tungtawn in Video Live in khahkhia cih Reuters News pan kiza hi.

Police te Friday ni in agenkhiatna ah hih thupiangpen Thursday ni hi a, Cambodia gamsung ah hihbangdan Suicide kisihbawl laitak Facebook Live in mipi muhdingin Broadcast aki khahkhia masapenpen hi ci’n Police te’n genkhia uhhi.

Cambodia gamsung ahzong Facebook pen kilimzat mahmah a, adangdang Social Media te sangin Facebook bekbekmah kilimzat phadiak hi.

Cambodia gambup ah mimal Population 15.8 Million bang phading in aki ciamteh hi a, tua khempeuh ii sehthumsuah sehkhat dektak pen Facebook Users vive kici hi. Adiakdiak in khangno te lakah Facebook pen ki limzat phadiak in, Information khatpeuh theihtheih nadingin aki limzat penpen Network khatzong ahihi.

Tuabangin amahleh amah akisihbawl, Facebook Live in Video akhahkhiapa pen amin Ra Chhay Rath kici a, kum 21 aphakhin khat ahihi.

Nidangin azi ahingei azilui Ex-wife pen Thursday ni in sanginn khatah thatlum masa hi. Tuakhit ciangin amahpen Kandal Province sung aom Tsubasa Bridge kici lei tungpan in Mekong River tuipi sungah lengkhia hi. Facebook Live in akhahkhiat Video pen amahleh amah aki thahlupna Suicide Video bek hi a, azi athahlupna kihello hi ci’n Cambodian Police te’n genkhia hi.

Police spokesman Kirth Chantharith in Reuters te tungah agenkhiatna ah abeisa in hihbangdan Suicide kibawllaitak Live Video aki khahkhia omnailo hi, hihpen amasapenpen hipah hi ci’n genkhia hi.

Hihpa in azilui pen banghangin thatlum hidinghiam cihzong aki kanciansan laitak hi ci’n genbeh hi.

Tua aki thahluplaitak Facebook Live Video pen Facebook tungah kithehzak in, Friday zingsang ciangciang ki entheilai kici hi.

Singapore gamsung aom Facebook Company panin thunei ahi Spokesman khatin agenna ah hihvai tawh kisai in bangmah genkhiat theihna kanei naikei hi ci’n pulakkhia hi.

More: Facebook azangden mipi te Category khenpi 4 in kikhenthei, nang koisung ah kihel?

Nungkumsung in Facebook Company te’n amauleh amau aki sihbawlsawm aomciang theihkhiat nading Pattern Recognition kibawl cihi. Tuapen United States gamsung ah Testing akibawlkhit ciangin adangdang gamte ahzong kizangding hi ci’n Facebook te’n genkhiangei uhhi.

Cambodian Police te genkhiatna ah tua lei tungpanin alengkhiapa Ra Chhay Rath ii aluanghawm pen ki mukhiazo nailo ci uhhi. Facebook Live ukdanzong atuamtuam….. Sawltak #zomidaily