California ah mawtaw khat tuahsia a, lamzikpi pan lengkhia in inntung phukha
USA, California ah mawtaw khat hathawllua mahmah in, lamzikpi panin piakhiasak kha a, huihlak ah alen zezakhit ciangin inntungdawl khat phukha cih Philippine Daily pan kiza hi.
California, Santa Ana khuasung ah thupiang hi a, tua mawtaw pen lamzikpi alaizang akidalna anawkkhak khitciangin lampialkhia in, habawlna Dental Office khat ii atungdawl aphukha ahihi.
Thunei te genna ah tua mawtaw sungah atuangpen mi 2 hi a, khatpa pen amahleh amah pusuak khiathei in, liamna huaisialua omlo cihi. Ahi zongin adang mawtaw sungah atuang Passenger papen mawtaw sungah awkcip in, pusuak theilo ahih manin Rescue Team te’n honkhia uhhi.
Tua mawtaw sungah a awkcip Passenger papen mawtaw amailam innsungah alutsa in aom sungah naikhat leh alang sungbang Rescue Team te ii honkhiatding ngakin omcip hi.
Tawlkhat khitciangin Los Angeles County Urban Search and Rescue Team te tungthei uh a, tuate’n hongkhia uhhi ci’n New York Times te’n genkhia uhhi.
Tua mawtaw sungah atuang mi 2 tepen liamna tawmtuak ngah uh a, ahi zongin ahuaisialua omlo bilbel hi.
Mawtaw in Dental Office aphutkhak ciangin meikuang kipanman himahleh Fire Department te’n ahunlap in phelhsiang theipah uhhi.
Hih tuahsiatna apianhun pen Sunday zingsanglam 5:30am hunpawl hi a, ageinai akizomlian aom zintunbuk Motel khatah agiakte zong patauman mahmah uhhi.
Police te genkhiatna ah tua mawtaw ahawlpa in guihtheih khamtheih zatui Narcotics kazang hi ci’n pulakkhia ci a, Local Hospital khatah tawlkhat ki encikding cihi.
New York Times te genna ah tua mawtawhawl Driver papen zato ah anoptuamdong aki kepkhit ciangin zatui khamsa in mawtaw ahawl himawk ahih manin, tuatawh kisai in thu kibawlding hi ci’n genkhia hi.
More: Thai, Nonthaburi ah mawtaw tuahsia, Myanmar gammi 3 si, adang mi 6 liam
“Orange County California Fire Authority” te leh “Los Angeles County Urban Search & Rescue” te’n inntung ah aawkcip mawtaw pen Specialised Fire Truck tawh Sunday sunlam ciangin lakhia theipan uhhi. Ahi zongin tua aphutkhak inntungpen vangsuak heuhau hi. Sawltak #zomidaily
Comment piaknop aomleh...