“Bursa Malaysia Building” ah Bomb om ci’n ki patau man mahmah

“Bursa Malaysia Building” ah Bomb om ci’n ki patau man mahmah

Malaysia, Kuala Lumpur khualaizangsung aom “Bursa Malaysia Building” ah Bomb omhi cih Bomb Treat kiza ahih manin ki patau man mahmah hi. Hih Bursa Malaysia Building pen Kotaraya Mydin sakdiak, May Bank sakdiak aom Building asang agolpi pen hi a, hih innpi sungah Bomb kikoih hi cih Bomb Treat akizak pen tuni Friday (September 30) sunkimpawl ahihi.

Hih Building sungah Bomb om cih Bomb Treat akizak masak hunpen 12:01pm hun hi a, akizakphet in thuneite ki zasakpah hi. Police te’nzong asungah nasemteng khempeuh avekin pusuak khiasakpah uhhi.

Tua khitciang in Bomb ahemkhiasiam “Bomb Disposal Unit” te’n Building sungteng Checking bawl uh a, nitaklam 3pm hunciang in bangmah omlo hi ci’n genkhia uhhi. Ahi zongin hih Building sungah nasem leh innsaap Tenants te kiangah muanmawhhuai vankhat peuhpeuh namuh uhleh amanlang in hong zasakkik un ci’n kumpi thunei te’n vaikhak uhhi.

Anuai ah Video Clip tomno khat: Ih etkikciang athupit lohhang, azaih laitak ki patau veve ei 🙂 Hong puakkhamphau takpi mawklehbel…..

Bomb Threat “Diancam Bom” @ Bursa Malaysia Building

Hih “Bursa Malaysia Building” sungah Stock Exchange zong akizuak ahih manin tawlkhatsung Trading khempeuh  khakcipsak uh a, nitak 3pm khitciang in ki hongkikpan cihzong CNA pan kizakbeh hi. Sawltak #zomidaily