Bruce Lee ii tangthu Film thak pawlkhat Penang khuasung ah kizaihding

Bruce Lee ii tangthu Film thak pawlkhat Penang khuasung ah kizaihding

Leitung ah Martial Artist aminthang mahmah Bruce Lee ii tangthu Movie athakkhat kizaihding cih atanu Shannon Lee in genkhia hi. Tua Movie athak akizaih nading mun kiteelkhin a, tualak ah Malaysia, Penang khuasung aom munpawlkhat zong Movie sungah kihelding cih kiza hi.

Bruce Lee pen leitung in “martial art legend” ci’n aciapteh hi a, amah ii aneulai atangthu Biographical Film pen tukum September leh November khasung in kizaihding cihi.

Hong Kong gamsung ah 1950s kum hunlaipawl tawh akibangding in kizaihding hi. Tua Film sungah akihelding munpawlkhatpen Penang sungah kizaihding a, tuakhit ciangin Johor Baru aom Pinewood Iskandar Malaysia Studio ahzong kizaihding hi.

Malaysia gamsung ah tuateng amankhit ciangin China, Foshan sungah adangteng amandang kizaihsuakding hi ci’n Komtar Chief Minister Lim Guan Eng in Press Conference ah genkhia hi.

Penang khuasung aom tangtawnpek pan akikemsuaksuak Heritage Buildings tepen Film kizaihciang Backdrop in kizangding cihi.

Related: Hollywood Actress minthang Angelina Jolie leh Brad Pitt kikhending

Tua aki zaihthakding Bruce Lee ii tangthu Movie thakpen “Little Dragon” kiciding hi. Film zaihna amakaihding Director pen Award-winning Director Shekhar Kapur hi a, maikumsung kumbeikuan ah ki hawmkhiatsawm cih kiza hi. Sawltak #zomidaily