Bishop Lian Khen tungpan dahpihna ~ Tua Tuang & Peter Khai

Bishop Lian Khen tungpan dahpihna ~ Tua Tuang & Peter Khai

Dear Zomi Innkuan in Portland, Tu laitak Portland a om, Zomi innkuante’ a dingin, Lungkhamna meilumpi’ hong tuam ding, dahna khitui ki nulnul ding cih ka ngaihsut ciang, a dahte tawh ka dah khawm a, a kapte tawh luankhin na nul khawm ing.

Sia Tuang zi in, Zato pan a innkuanpihpa gal dondon dinga, Peter Khai i zi zong Yangon pan, a kisap san laitak ci sawnsawn a mataw! A tano thumte aw e, bang ciding?

Pasian in, meigong tagahte’ Pasian hi, cih tawh kihehnem siam ni! Veronica in, Topa’ Jesu khua ul nulsak in, Simon of Cyrene in Topa’ Jesu singlamtek a puakpih mah bangin, eite zong, khat le khat kihehnem siam ni! Ki dahpih ni!

Vantungmi in Gethsemani huan sungah i Topa Jesu a hehnem mah bangin, eite’n zong, a nusiat uh azi a tate Jesu min tawh hehnem ciat ni! May the souls of the faithful departed, through the mercy of God, rest in Peace!

Zogam Siampi,
Siadaw Khen

Zomi 2 in US ah mawtaw Accident tawh hongnusia: Lasiam Tua Tuang leh Peter

US gamsung Oregon State, Portland Highway 213 lamzikpi tungah 28 July Thursday ni sunlam in Accident piang a, mi 2 si in adangzong mi tampiliam cih KOIN News pan kiza hi.

Tua asi mi 2 tepen midang nahi peuhmahlo Zogam Lalpu tapa lasiam minthang Tua Tuang (Stephen Vocal Band) leh Portland aom Peter Kham Lian Zam te nahimawk uhhi.

Accident pianna munah Life Flight, Monitor Fire, Mt. Angel Fire, Woodburn Ambulance, Molalla Fire te buaimahmah uh a, Highway 213 zong khakcip phot uh cihi.

Hih Accident apianna ahangzong thunei te’n kancianding uh cihciang kizaphot hi.

Hihvai tawh kisai Facebook tungpan in Magaret Mary Dimnu LP tawh kaki thuzakna uh ah,

Tua Tuang, azi leh a tanu tawh a innkuan un Peter tawh mawtaw khat ah atuangkhawm uh ahihi. Tua Tuang leh Peter pen hong sihsan uh a, Tua Tuang lawmnu Huaipi pen apheiguh tegel leh aveilam khut kitan ahih manin zato ah siavuan te’n abawlsan laitak cihi. Ata bel bangmah cingawh luakhollo bilbel hihtuak hi.

Ko Peter zong azi in nusia khin a, atate 3 tawh Portland ah aom cihciang kiza phot hi.

A nusiat a innkuanpihte tuak uhtawh akibangin Zomi Daily Media pan dahpihna kong pulak uhhi. Athu ala akician in ihtheihbeh bangbang ki zasaksawnni. ZD Sawltak #zomidaily