AA te’n galvan lakna, Galvan akim in nei khading
Rakhine tuipi nawl dung leh Chin state ah nisim kawl galkap tetawh a kikap den Rakhine AA ten Bangladesh sittakaung mualpi kantan in galvan tampipua nawng ziahziah uhhi. Hih a puak uh galvan pen kikapna ah zatding Refills 500 Machine Gun 30 , nah tangum bullet 70000 leh khut lot Handgrenade te zong tampi kihel hi .
February a kalthumna hun sungin tuilam tawnin Myanmar gamgi leh Bangladesh gamgi kikal aom Monakhali kici tuipi nawl ah a vante uh khia uhhi. Hih thupen Bangladesh ,Myanmar ,Hongkong thukan te ong huhna naleh hih AA te galvan puak vai a gelh khiapa makaihna the easternlink pan thauvui thautang galvan puatakpi ahilam teltak in kakankhia uhhi .
Sittakaung mualpi aom khuaneu a ten mite tungpan a puading mi 150 leh AA galkap mi 50 tetawh Gundum mualpi, Rejupara ‘ Uhalapalonh mualpi leh Paglirara mualpi te kantan in la (camel ) sakolte zangin khetawh pai – in pua uhhi .
Matamuhuri Snagua leh Singpa khua vial khat a kimkot pih khit uhteh Thanchi state Sandik AA camp ah March kha ni2 ni-in tung uhhi . Bangladesh galkap camp tawh a kinai pian uh hangin tuaten AA te omna camp lam gamvanin paingeilo uhhi. Alikadam ten zong gamvan inteh ci-in aki upmawh hangin van tuanlo uhhi .
Coxbazar leh Bandarban khua aom thukante genna ah Bangladesh galkap tetawh bang buaina kikapna nung kum sungin AA tetawh omlo ci uhhi . tua ahihman ol takin galvan a puaktheih uhpen a lamdang lua hilo ci uhhi .
AA ten Sandik ah galvan tampi a puakin a khol khit uhteh South Mizo gam Parva leh Rakhine gamsung zan-in a thuang a thuang in pai khiankhian in puak kawikawi uhhi .Mizo gampen tapong omlo gamdai mahmah ahihman Assam Rifles telah Parva khawngah tam omlo uh ahihi .
AA galkap ten hih mual dung zui -in galvan a puakte uh Mizo gam dongah hongpua uhhi ci-in Assam Rifiles mangpi pa’n easternlink te kiangah hongpuak thupen kiciantak kipsak uhhi .
Sente thaubawlna company Norinco ten zuauthu tuamtuam Phuak in AA te galvan tawh ahuhlam uh zong Thailand aom Asia lam sungteng thau zuaksim te a sulzuih thukan pakhat in zong easternlink thukantw tungah genna nei uhhi .
2009 kum Kachin gampan hih AA te hong kipatkhiat phet in Sentawh kizopna kician mahmah neikhin uhhi . AA Speaker pa Khai Tukha bangin Sente pen India tedan hikei , Senten ko AA tepen kipsakna hong nei ci-in genkhia hi .
Tua ahihman Kyaukpyu aa Sente tuilampi tawh kisai project gelna a nasep nate uh AA lampan bang mah nawngkaina bawl hetlo in, kaladan gun project a sem India mite ahihleh buaisakin kidnap uhhi .
AA te’n galvan kicing takin a phualpi uh Sandik a tutthit uhteh Thanchi- Naikhong- Farua- Parva-Paletwa lampi dung khempeuh ah AA galkap te duty sakin tawmta omkawikawi uhhi . AA ten hih zah ciang hanciam aa Peletwa ah aom nopna uh a hangpen galvan a puak uh ciangin Rakhine tuipi dung aom kawl tui galkap te a nawknawk den uh hangin vaisah phulna nawngkai sa uh ahihman Paletwa lampan hileh tuilampi tawh puak thei mengmeng baihzawh ahihi .
AA te omzia paizia athei mahmah mikhat genna ah AA ten a puak uh galvan lakah Helicopter Drone Fighter jet kapkhiat nading F-6 Sente missile te zong kihel ahihlam kiciantak gen hi. By Subir Bhaumik / EasternLink/ Mizzima/ Pau Oo
Comment piaknop aomleh...