Bangladesh gamsung ah Bomb puakkham, mi 6 liam

Bangladesh gamsung ah Bomb puakkham, mi 6 liam

Bangladesh gamsung ah Saturday ni in Hindu biakna te aki khoptuah laitak un Bomb puakkham ahih manin mi 6 liam a, tualak ah mi 3 pen limliam phadiak cih Reuters News pan kiza hi.

Bangladesh khuapi Dhaka pan tai 260 Miles agamlatna leilulam aom Dinajpur District ah thupiang hi a, “Rushmela” cih biakna pawi Religious Ceremony abawl laitak in mi 100 val aki kaihkhopna munpan Bomb apuakkham ahihi.

Hihlai mun ah nungkhasung inzong Italian Doctor khat thau tawh ki kapliam ngeikhin hi.

Hih Hindu Temple kem makaipa kiangah biakinn huangsung mipi kaikhawm kei in ci’n khamna kipia himah taleh pawi abawl veve ciangin Bomb akitam ahihi ci’n Kahalur Police Station pan Officer khatin genkhia hi.

Hih buaina hangin aki ummawh mi 5 kimankhin a, tuate thusitna neiding uhhi.

Muslim atamzaw ateenna Bangladesh gamsung ah Hindu biakpiakna pawi akibawl laitak Bomb akisiah omngei khollo a, ahi zongin khuahun hongsia tektek ahih manin buaina tuamtuam hongpiangta hi. ZD Sawltak #zomidaily