Bangladesh gammi khat kithatlum in sasem bangin kisemgawp a, tum 6 kisuah
Malaysia, Sungai Petani ah Bangladesh gammi khat kithat in, athatte’n tum 6 suah uh cih theStar pan kiza hi. Tua akithat Bangladesh gammipa pen Sungai Petani, Kampung Pengkalan Lebai Man ah aki thatlum hi a, amahpen tuamun ah Construction nasem in aom cihi.
State CID chief Senior Asst Comm Mior Faridalatrash Wahid in agenkhiatna ah tua akithatpa pen kum 38 aphakhin Azad Late Mofyan Uddin cih minnei khat cihi. Postmortem akibawlna ah alu leh a ngawng panin kidawtlum masa hiding kici hi.
Tuakhit ciangin ahiam mahmah temta golpi khattawh sesem bangin kisemgawp in, ip sungah kiguang cihi. Ip 3 kisuah in, anhuanbuk Cabinet sungah ki selcip cimawk hi.
Hihpa pen amancip zawh ni 5 bang aphak ciangin alawmnu “Girlfriend” in Police Report bawl cihi. Tuaciang in Police te’n azonkhiat uhciang in Tuesday ni in aluanghawm aki semgawpsa in ip 3 akisuah akimukhia ahihi.
Hih aki muhkhiatna innsung ah aomkhoppih Bangladish gammi tezong mangcip a, tualak ah mi 2 te ii gamtatna hiding in ki ummawh ahih manin Police te’n azonsan laitak kici hi.
Tua taimang Bangladesh gammi nihte pen kum 37 aphakhin Md Julfikar leh kum 50 aphakhin Nur cihte ahi uhhi.
Athatding in aki ummawh mi 2 te leh asipa pen hih innsung ah aomkhopzawh uh kha 5 bang phakhin hi.
Abeisa June 10 ni in asipa ii alawmnu hawhsawm a, ahi zongin alawm nihte’n innsung ah alutding phalvetlo uhhi. Alawmpa zong mangcip ahih manin, tuanu in muanmawhhuai sa ahih manin Police Report abawlna panin hihthu aki theikhia ahihi.
More: Bangladesh gammi khat ii nasep leitung ah adeihhuailo penpen nasepkhat in ki gensak
Aki semgawp, ip 3 sungah aki koihcip asipa pumpi teng Sultanah Bahiyah Hospital ah kipuak cihi. Police te upmawhna ah hihpa pen abeisa ni 4 hunlai in aki thatlum hiding in ummawh uh cihi.
Bangladesh tezong gamh tat mahmah uh ahih manin, nasemkhawm khawng ih omkhak leh kidop huai mahmah hi. Malaysia gamsung ah adiakdiak in Construction Worker vive asem Bangladesh gammi tammahmah uh a, buaina zong tampi piangsak zelzel uhhi. Sawltak #zomidaily
Comment piaknop aomleh...