Bangkok khuasung Skytrain meileng tutna tungah numei khatin ekteh

Bangkok khuasung Skytrain meileng tutna tungah numei khatin ekteh

Thailand, Bangkok khuapisung aom khuasung mipite kikawmna in akizang BTS Skytrain kici meileng sungah numei khatin atutna tungah ekteh in nusiasuak cih Thai Media te’n tulaitak limgen mahmah uhhi.

Hih thupiang pen zanni Friday zingsang in Bangkok khuasung ah thupiang ahihi. Hihvai atuakkha Passenger numeikhat ahi Nidtayaporn Songsri kici in ama Facebook tungah Photo khahkhia masa in, tua Photo pen Thai Netizens te sungah ki thehzakgawp hi.

Abeisa in hihbang kihhuai gamtatna pen Chinese minam te sungah piangngei a, athi zongin tutungpen Thai gammi te hi “Thai not Chinese this time” kici citciat hi.

Abeisa in Pattaya City sungah hihbangdan Public Incident piangngei a, tuahunlai in Chinese minam te khat ahih manin, Thai gammi te’n Chinese te gensiapah sepsup uhhi. Ahi zongin Bangkok City sungah thupiangpen Thai gammi numeikhat kici citciat hi.

Facebook ah akhahkhia Nidtayaporn Songsri in agelhna ah BTS Skytrain katuang a, kagei ah atu numeinu adinkhiat ciangin atutna tungah ek nusia hi. Tua ektehnu pen Prakhanong Station ah tuakkhia in, ahi zongin Skytrain meileng sungah Passenger khempeuh Siam Station dong ekgim dikkawm, ki humteta kawmin tuangsuak uh cihi.

Agei alangkhat tuakah atuangkha Passenger tepen atutna uh iplah uh ahih manin, anak uh humkawm teta in, agamlapi enteta kawmsa in ek geimah ah tuangsuak teitei uhhi.

Tua ek atehliang pen puan hoihtak in asilh sitsetkhat kici a, naupang zong hilo, uliankhinsa numeikhat “well-dressed adult” kici hi.

More: Yangon Airport leh khuasung meileng khawlna kikal Airport Shuttle mawtaw amanlang in taisak tading

Nidtayaporn Songsri in Facebook tungah akhahkhiat khitzawh asawtlo in ki thehzak, Viral gawpin 4100 reactions, 5600 shares, 31 comments bang phaman hi. Tua Photo pen akhahkhia masapen in ama Facebook panin Delete kikpah a, ahi zongin Social Media ah ki thehzakkhin veve hi. Ama ngimna ahihleh ek tehlehzong mawhpuakla in apaikhiatma in siansuahhen cih apulaknuam ahihi.

Comment pawlkhat ah hihbangin tutna tungah ekteh cihpen bombi sungten beek teenglohiam kici hi. Nikbawk atom mahmah leh Underwear khawng teenglo hikhading kici hi. Thulamdang ahih manin zaknop keimah taleh 🙂 Sawltak #zomidaily