Iraq gamsung Central Baghdad aom Ice Cream kizuakna ah ISIS galkap khatin Suicide Bomb sukham ahih manin mi 16 takin sihlawh uh cih Tuesday ni in kumpi thunei te’n genkhia uhhi. Tua Ice Cream kizuakna pen nitaklam ciangin numei naupang tampi aomdetna khat hi a, tuatengmah ngimbawl in Suicide Bomb asukham citciat uh ahihi.
Central Baghdad, Karrada District sungah Tuesday nitaklam in asukkhap uh hi a, asi mi 16 banah adangzong mi 75 tak liamgawp cih AFP in genkhia hi.
Hih Bomb kisukkhapna vaitawh kisai in IS te’nzong Statement khahkhia uh a, ko ii gamtatna hi ci’n genkhia uhhi. Iraq gammi khat apuakkhamthei thauvui thautang tawh akidim mawtaw khat hawlsa in, Shiite Muslims te mitsuan in apuakkhamsak cihi.
IS tezong Muslim biakna mah ahih veve uhhangin Shiite Muslim te’n thapialo bekthamlo, lehdokik theizel uh ahih manin, ki belpawlthei mello uhhi.
Video etnopleh: Moment of blast in central Baghdad, at least 10 killed, dozens injured
Tulaitak Muslim biakna te ii antan hun laitak hi a, sunsungteng an tangin, nitaklam nitumkhit ciangin khuasung aom ansai, Restaurant, Cafe’, Shopping Mall cihte ah kituahkhawm in, anne khawmin kilawmtatna nei in aom laitak uh ahihi.
Tuateng mah ngimbawl in hih Car Bomb zongpen Muslim te Ramadan antankhit, nitaklam an akinek laitak, aki vakkhiat phadiak hun laitak in asukham uh ahihi. Hih Ice Cream Shop zongpen aminthang khat ahih banah numei naupang atam phatdiakna munkhat hi a, tuateng mah bawlsianuam in hihlai munteng mitsuan in Car Bomb Suicide asukham uh himawk hi.
Hih Car Bomb apuakkhap laitakpen CCTV panin Vide Record kibawlkha citciat in, lauhuai mulkimhuai mahmah hi.
Related: Iraq, Baghdad City ah Car Bomb puakkham in mi 52 si, 50 val liamgawp ~ ZD
Tukum February khasung inzong Badhdad City sungmah ah Car Bomb khatvei puakkham in mi 52 in sihlawh a, adangzong mi 50 val liamgawp ngeikhin hi. ZD Sawltak #zomidaily
Comment piaknop aomleh...