Iraq, Baghdad City ah Car Bomb puakkham in mi 52 si, 50 val liamgawp

Iraq, Baghdad City ah Car Bomb puakkham in mi 52 si, 50 val liamgawp

Iraq khuapi Baghdad sungah zanni Thursday ni in Car Bomb nasiatak in puakkham a, mi 52 takin sihlawh cih AFP in genkhia hi. Hih Car Bomb zahin ahuaisialua lawmlawm, tukumsung omnailo ahih manin, hihpen tukumsung ahuaisiapen hipah hi.

Hihbangdan in ngongtatna, hiamtatna khempeuh abeisa in IS tetawh akizom te ii khutma vive hiden a, tutung Car Bomb puakkhamzong amaumah ii gamtatna hiding in ki ummawh hi. Interior Ministry Official te ii genkhiatna ah asi mi 52 tak aphak banah aliamzong mi 50 valbang liamgawp uh cihi.

Emergency Services nasemte zong buaimahmah uh a, asi aliamte zong ageinai aom Hospitals te ah kipuak kawikawi hi. Mawtaw kizuakna Car Market gei khatpan in Local Time 4:15pm hunpawl in apuakkham hi a, tualai munpen mi tampi aomdetna munkhat ahih manin mitampi in asihlawh aliamlawh ahihi. Asi zong ki behlap toto khatheilaiding cih kiza hi.

Security Officials tezong aphual ah nitumdong sitcianna nei in buaimahmah uh a, khuasungmi tezong amau ii kitheihpih meltheih tanau te akihelkha hiam cih azongtawh kiphu ngeingai uhhi. Pawlkhat te’n Mobile Phone tawh Video leh Photo azaihzaihzong om uh ci a, buaidan atuamtek in buaingeingai cihi.

Wednesday ni inzong Iraq gamsungmah aom Sadr City ah Suicide Car Bomb puakkham a, mi 11 in sihlawh uhhi. Tuazong IS te ii gamtatna mah ahihi.

Thuthak tuamtuam natheihnop leh Zomi Daily Page facebook.com/ZomiDaily ah Like napia inla, Follow namek khitciang “See First” acihpen namek ve lawm….. ZD Sawltak #zomidaily