Australia gammi khat Thailand ah Parasailing atuanleh kia in si
Kum 71 aphakhin Australia gammi pasal khat Parasailing atuanleh kia in si cih The Nation pan kiza hi. Tua Aussie papen Thai gamsung aom Kata Beach ah nung Thursday ni in Parasailing atuansawm hi a, akithawithawi laitak akipan akiatdong Video kizaihkha in, kimuthei hi.
Tua Aussie papen amin Roger John Hussey kici a, Karon Police te genkhiatna ah Parasailing atuntoh laitak vandawn ah asanna Meter 40 panin kiasuk cihi. Patong Hospital ah kipuakpah himahleh zato panin si cihi.
Roger John Hussey pen Thai gammi Boosabong Tongsanga akici khattawh akiteeng ahihi. Parasailing tuangding in akithawi laitak leh alenkhiatdong Video azaihziahpen azi ahihi.
Parasailing atuantoh ciangin Parasail Controller khattawh atuangtokhawm hi a, hih akiatna Accident hangin Parasail Controller leh amaipan akai Boat Driver te kimanin thu kibawl cihi.
Vandawn ah alengpih Parasail Controller pa ii genna ah Roger John Hussey pen vandawn ah akahtoh ciangin lauthawnggawp ahih manin, apumgakna pen na suahkhiakha in akiasuk cihi. Parasail Controller pa’n lungdaitak in om in ci’n agensawm hangin ziakailuata in Equipment tengtawh akigakna kawnggak, pumgak namekkha in akiasuk cihi.
Video: Australian plunges to death in parasailing mishap
Maintenance Officers te’nzong hih Parasailing Equipment te hoihtak in sitcianna nei uh a, bangmah siatna omlo cihi. Tuaban ah Safety lunggulhna in kha 3 ciangin khatveita athak akilaih zelzel hi ci’n anei te’n genkhia uhhi.
Ahi zongin amai ah akaihna Boat tungah Technician tuanlo in Parasailing abawl uh ahih manin, Police te’n hihpen illegal hi ci’n thubawl veve uhhi.
Related: Myanmar leh Thai gamsung ah vankham tampi ki haltum
Azi in agenna ah hih Parasailing pen apasal in ni 3 sungbang a etzelzel hi a, amahzong tuangap mahmahta ahih manin akisinkhia cihi. Ka pasal pen atuan ngeiloh athakkhat sinnuam ahih manin akithawikhia hi ci’n genkhia hi. Sawltak #zomidaily
Comment piaknop aomleh...