Australia gambup milip phazah (Census) kaihkhopna

Australia gambup milip phazah (Census) kaihkhopna

Atung athutawh kizui-in Australia gamsung kum 5 hal simin milip phazah (census) kaihkopna omden ahih manin tulai tak i omna innkim-ah ABS pa’n lai hongtung ziahziah ta hi. Aug 10, 2021 (Tuesday) nitak lam ma limlim online pa’n census form laikhiat (submit) ding kisam hi.

Australia gamsung ateng Zomite ading athupi-in Online tawh census form phihna link, https://www.census.abs.gov.au/census-login

Ancestries (khanggui suutna/nam suutna) munkhatbek mahah aki gelhkim ding hoih ahih manin form phihna munah limtak in (ZOMI) ci aa i gelh ciat ding ki theisak hi hang.

Abeisa hun lai-in, Zomi pih tampitak te-in ki gelhkhial in (Gtn, Tedim aci om, Zome aci om, Tidim aci om, Chin aci om) ahih manin Australia gam sungah kumpi lamtawh i kizopna munte-ah Zomite kalsuanna hamsatna tampi om ahih manin tutung a Australia gambup milip phazah kaihkhopna-ah Zomi cih minbek mahtawh aki bang kimciat in gelhsawm ni.

Religion (biakna) nangbang biakna cih gelh nading munkhat omding in tua munah nang ii biakna limtak gelh in (gtn, Catholic, Baptist, Penticostal, Anglican…ect ) Australia gamsung ah a nungta Pasian thu-um mi % bangzah om aa, Muslim upna mi % bangzah om in, Upna aki ci limlim anei ngeitlo mi % bangzah om cih kankhiana zong ahi hi.

More: Australia gamsung ah theihhuai Super vs Pension ~ Dr. Singpi

Hihte pen Australia gamsung nungta kuasakzia et-kaak na zong hi-in, kum 5 sung i cihin hun sawtpi mah hong himawk ahih teh limtak in form phih sawm ding hi hang Zomi. Form phih ziading dotnop a omle, Cin Khup – 0403304146 Mungta – 0435764292