Aung San Suu Kyi in kunza leh zanah te zatlohding hanthawn

Aung San Suu Kyi in kunza leh zanah te zatlohding hanthawn

Myanmar State Counselor Daw Aung San Suu Kyi in Kawlgam mipi te tungah kunza khailohding, neklohding genkhia cih Irrawaddy pan kiza hi. Kawlgammi 7 Million sangin atamzaw in kunza leh zanah, zateh neden uh cimawk hi.

Tuabang in kunza leh zanah nekna hangin kumsim in Kawlgam ah mi 60,000 ta bangin sihlawhden uhhi ci’n Aung San Suu Kyi in hihvai tawh kisai Media Campaign kibawlna ah Message khahkhia hi.

Kunza pen cidamna asusia mahmah khat hi a, gamsung mipi te’n hih ahoihlo gamtatna pen pelhsawm tekding hihang ci’n hanthawn hi.

Aung San Suu Kyi in Kawlgam ah State Counselor panmuntawh hong makaihcil akipan kunza neklohding Public Campaign kipansakpah hi.

Kawlgam State Counselor dinmun tawh khakhat asepkhit phetin “Anti-betel Policy” ci’n kunzanek khiaptheih nading in kithawipah hi.

June khasung inzong hih kunza nekvai tawh kisai in mipi te’n bangci muhhiam cih Online Poll khat kipan a, khuasung leh kumpi zuminn Government Office te ah kunza aki siatzakgawp zong khamcipsawm hi. Ahi zongin tuni ciangciang Official in koimah ah aki khamciplian omnailo hi.

Adiakdiak in naupang kum 13 nuaisiah peuhmah kunza leh zanah te azat hetloh nadingin khuasung mipi te’nzong ma ihpankhopding cih Aung San Suu Kyi in Message sungah limgen phadiak hi.

ASEAN gamsung ah Myanmar pen kunza leh zanah “betel quid & tobacco” alimzat penpen gamkhat himawk hi. Tua ahih manin, hih kunza leh zanah zatloh nadingin “Anti-betel Campaign” pen Kawlgam khuapi mun 6 ahi Yangon, Mandalay, Magwe Region sungteng ah asawtlo in kibawlding cihi.

Myanmar Ministry of Health and Sports paninzong tuabang in kunza leh zanah te zatna hangin bangteng siatna piangthei cihte mipite’n atheihding in Awareness bawlding cihi.

Tuabek thamlo kunza nekna hangin bangteng siatna piangthei cihte pen Kawlgamsung aom Cinema te ahzong kilaksak dinga, Myanmar Radio and Television (MRTV) leh Democratic Voice of Burma (DVB) cihbang Broadcaster te ahzong ki laksakding cihi.

Hihbang in mipi te cidamnading Awareness Campaign bawlnading in Public Health Foundation pan 250 Million Kyats (US$185,000) ki ngahkhin cihozng kiza hi.

More: Na tangek suakcil te nakhualna in zatep hong kidawm dihve lawm

Gamkhangto te ah zatep limlimzong akhamcip uh ahihi. Zanah “Tobacco” ihcihte lakah ih tuibuk muamte, ih zatep te zong akihel ahihi. Tuabek thamlo khaini, sahdah, zatep cihtezong zanah “Tobacco” vive mahtawh akibawl hi a, avekin ki dekzoleng ih kumpi te lungdamding a, ih pumpi zong cidam dinghi. Sawltak #zomidaily