Apple Company te’n asawtlo in iPhone 8 hawmkhiading in ki lamen

Apple Company te’n asawtlo in iPhone 8 hawmkhiading in ki lamen

Apple Company te’n hongtungding September 12 ni ciangin Media Event nasiatak khat bawlding ci’n Invitations hawmkhia uhhi. Tua Media Events ah iPhone Model athakzong ki hawmkhiading in ki lamen a, tuaban ah Apply Company te’n iPhone kici Smartphone abawlkhiatzawh kum 10 acinna “10th Anniversary” zong ahihi.

Tuaban ah hih Media Event pen California, San Francisco, Silicon Valley ah akilam Steve Job Theatre ah akibawl masapenpen ding Media Event khatzong ahihi.

Apple Company te’n iPhone abawlkhiatzawh 10th Anniversary hitamawk ahih manin, bangdan in alamdangdiak hongbawlkhia uhhiam? iPhone 8 ahih keileh kumsawm cinna iPhone hong hawmkhiatding uhpen bang Feature thakteng hong thuah uhdiam? cihpen ki lunglut mahmahtek hi.

NPD Group analyst Stephen Baker inzong “Clearly, Apple wants to do something different for the 10th anniversary” ci’n genkhia hi.

Tuaban ah September 12 niciang in Apple TV leh Apple Watch te ii Version athak tezong tangkona kineiding in ki lamen hi.

Tulaitak leitungbup ah Smartphone akilimzat penpen Market Leaders tepen Samsung leh Apple hi ci’n IDC (International Data Corporation) te’n Survey abawlna panin pulakkhia uhhi.

South Korea te ii Samsung Smartphone azangpen Market Share 23.3% bang hi a, US te ii Apple Smartphone azangpen Market Share 12% pha hi ci’n IDC te’n genkhia uhhi.

Related: iPhone 6s te Battery nawngkaina om ahih manin, Apple te’n Recall

Tua Samsung leh Apple Company te zomah Chinese Electronics Giant khat ahi Huawei Company pen athuman hi a, Market Share 11.3% bang pha cihi. iPhone azang mipi te’n iPhone 8 bangzah mansakding, iPhone 7 tetawh bangteng ki lamdangding cihte theinuamkin mahmah uh a, ahi zongin Apple Company panin bangmah Official in genkhiatna omnailo a, September 12 ni akibawlding Media Event ah ki pulakpanding in kilamen hi. Sawltak #zomidaily