Pasal khat alu ah temta kiphutsa in amathu in zato zuanzo

Pasal khat alu ah temta kiphutsa in zato kilakding in Bicycle tawh amathu in pai

Pasal khat alu ah temta kiphut vevasa in zato ah akilakding in amathu in Bicycle tawh paizolai ahih manin lamdang kisa mahmah cih Daily Mail pan kiza hi. Tua thupiang pen Africa, Cape Town ah abeisa Monday (Monday 19) ni in thupiang ahihi.

Temta tawh alu ah akidawtpa pen amin Shaun Wayne kici a, kum 34 aphakhin khat ahihi. Amahpen nasemding in Bicycle tawh apailaitak in pasal 2 takin lamkal ah na umcih uhhi. Tua pasal 2 te’n Bicycle suhsawm uh a, ahi zongin akitomgawp ciangin alu ah damiah khatpa in temta tawh dawtpheikha hi.

Tuabangin alu ah temta tawh akidawttum khitciangin tuapa pen amathu mahin Bicycle tawh taivingveng in zato khatah kilak hi.

Alu ah temta letmat 6 asau khattawh akidawt hi a, alu ah akiphutsa mahin Bicycle tuangkawm in 800m bang apaikhit ciangin zato ah kilakthei hi.

Zato atunciang in zong Doctor te aman khatpeuh aomtammaw ci’n awdam taktawh ki niamkhiattak in hongdong hi ci’n Dr. Brendan Venter in genkhia hi. Alu panin si tampitak luangkhia zihziah himahleh patau linglawnggawp cih omseselo hi.

Tuaciangin Tygerberg Hospital panin Doctore te’n amanlang in Emergency Surgery bawlsakpah uh a, tuapa pen bangmah buaina omlo, Stable Condition hi ci’n zato thunei te’n genkhia uhhi.

Alu ah temta akiphut vevasa leh X-ray kizaihna Photo tepen lamdang kisa in, Social Media tuamtuam ahzong ki thehzak zihziah hi.

Hihbangdan alu tungah temta akidawtkha, zato azuanzo pen abeisa inzong thuthang kiza ngeihi. 2015 kumsung in Brazil gammi kum 39 aphakhin khat zusai “Bar” khat panin mitawh kitawngkha uh a, alu ah temta tawh kidawt hi. Tuapa zong amathu in zato zuan a, zato atuntheih nadingin nai 3 sungbang ahunsawt cihi. Tua nai 3 apai hunsungteng in alu ah temta tawh akidawk ahihlamzong phawkkhalo hi ci’n CNN te’n pulakngei uhhi.

More: China nupi khatin sangnaupangno 14 temta tawh dawtliamgawp

2013 kumsung inzong China ah pasalkhat alu ah temta tawh kidawtkha ahih manin, amathu tawh zato akilakding in paingei cih Daily Mail te’n pulakngei uhhi. Sawltak #zomidaily