Alamdang nate mu napi lamdang asalo mite

Alamdang nate mu napi lamdang asalo mite

Pasian bawl nalamdang;
Pasian in nakhempeuh kipatna pian khiatna bawl khiatna hi cih ki umtek hi. Pasian bawlna lamdang tuamtuam te ah alamdang pen in Nuntak tawntungna Kha nuntak na ahihi. Adang te ah Mihing cii namkimh, Ganhing cii namkimh, Singkung, loopaa, Ni, Kha, Aksi, Leitung,Tui, Huih, Natna mankim damsak theihna leh adang tuamtuam tampi te kihel ahihi. Tua te Pasian vangliatna tawh kibawl cih kium tekhi.

Pasian mizat kamsang te bawl nalamdangte;

Pasian mizat kamsang bawl nalamdang cih the tulai thusuak nei aa, amawk ciakciak pawl hizawlo in tangtawng pek pan in Vanglian Pasian in ahunhun, aminamnam zui leh kisam asakna mun ahzat Vanglian Pasian kamsang te ahihi.

Hih Pasian mizat kamsang te in Dawi vangliatna nangzo hi. Huihpi , Guahpi daisak theihi. Aomlo nakhat akisambang in om sak thei hi. Behlap thei pungsak thei, liimcisak theihi. Pasian in apiak vangliatna ahawp, vaang akhen khiat tawh nalamdang bawl thei kimu thei sak nalamdang te ahihi.

Mipil misiam te bawlna lamdang te;

Pasian in abawlsa nate tung pan mihingte phattuamna hong pia thei nalamdang bawl khiat theihna te ahihi. Tua ngaih suttheihna ding Pasian hongpiak khuak ngaihsutna pan kipan ahihi. Tua te in bang teng hiam cih pawlkhat en pakleng,

1. Ni tangtha tawh meivak theina van(solar power) nalamdang tuamtuamte

2. Huih sung ah aom nate zang in Mel leh Aw kizasak kimu theihna nalamdang tuamtuamte

3. Tui te tha deihbang in zang a, mihing phat tuamna ding akisam nasil tuamtuam bawl khiatna nalamdang tuamtuam te

4. Leisung sumpiangte lakhia thei, amanphatna theitel in van namkim bawl khiatna nalamdang tuamtuam te

5. Leitung singkung loopaa namtuamtuam te tungpan in Damna Zatui bawl khiat theihna nalamdang zatui nalamdang tuamtuam te

6. Huih thazang in vantung ah Vasa bang in lengtheihna nalamdang kibawl tuamtuam te

7. Tui tha zang in tuitungah Van namkim pua kawmkawm in khual zin theihna leh tuisung ah lutsuk in lampai theihna nalamdang tuamtuam te

8. Na/Sil namkimte kigawm thei kikhen theih khingkhaina tuattheihna namkim nalamdang tuamtuam tawh kibawlte

Cihbang’ nalamdang tuamtuam ahihi. Hih mun te ah mihing khuasak nuntakna ah kilamdang ivanzat tampi te kibehlap ahihi.

Tulai Pasian nasem pawlkhat te bawl theih nalamdang te;

Abeisa tuma kum 30 kum40 pawl pan kipan Zogam Pasian min paulap Mipawl khat nalamdang bawl na tuamtuam omngei ahihi. Tuate in bang teng hiam cih leh

1. Lasasa in aki theilo khiatna neillo’ Heeedisei,disei Shalalalaala pan in seeeeei ci kituksak pen nalamdang mahmah ding in Zomi pawlkhat te in kimu denhi.

2. Cina damsak thei Pasian vangliatna om khin a, Mipil te tungtawn in Siavuan te’n zatui zang in damsak theihna om khin hinapi Zato leitungah hizah atam in’ cina hihzah zato lum kitam te damsakna omlo cinadam thei kici peuhpeuh mi khat, Zomi te’n lamdang kisamah mah lel ahihi.

3. Kamtuam pau khiatna nei icih ciang in Mikang kampau thei, China kampau thei, Hindi, Tamil, leh minamdang khat peupeuh kampau thei te kamtuam pau thei ahihi. Hunkhat lai in Shalama,Shalama , Heeediseisei, cih te amaute in hongngen uh teh Akhiatna athei Topa honghilh ci ziau uh a, Zomi te tuakampau kithupisim in lamdang kisam mahmah lel hun omngei ahihi.

4. Hihmun ah Cina dam theite kici te Zoto cina omnamun ah apailam leh cina , khuttan khetan azawngkhal mite damsakna news sungah kimu ngeilo ahihi.

5. Tua mahbang in kamtuampau thei kici te zong koikoiah kamphen in zong kizang lo a, gampua pai ding in hih leh biak innsung a, kamtuampau zuahzuah te Ambassy zum ah nakizang theikhollo ahihi. Minautang galtai te ading in UN zumah kamtuampau Heedidseididsei kizang theilo ahihi. Tua ahih man in alamdang nate munapi, zanapi, theina pi lamdang asa thei lo Zomi themthem kiom lai ahihi. Lim gen leng Khathu nial kitang pong mawksak hi.

Khingkhai thukupna;

Tua hi a, nisim in mihing ahi eite in Pasian bawlsa nate Nitang, Huih, Tui, Leitung te man neilo /lalo in kizang a, Pasian vangliatnatawh cidam kikzel in mipil misiam te tungtawn in zatui zahaa te zang in kicidam kik zel theihna pen lamdang zaw thamtham ahihi. Misim in huihsung ah kileng a, ipumpi mahmah kileng zong kiom in, mel kimu in internet ah thukizak nate ah Pasian vanglianna lamdang zawthamtham kimu ahihi.

Cinadam thei kici mipawl khat leh tawmcik alawn/khoih leh kituk cihte lamdang lo lua ahih lam thei huai mahmah ahihi. Tuate puan in kisilh thei hilo, kihona phone in kizang thei hilo, Lai kikhakna, melkimuhna in kizang theihilo, Nasep ngahna lah hilo, Khasum tamtuamna lahhilo te Lamdang isak luatna leh kimanna omlo kikhoptawp teh abei thei thute uangzatna hang in minam tampi te khantohna kizekai in hun bei ahihi.

Hi theih hileh hibang hun ah Kha leh taksa pumpi ki tonkhawm ahihna dungzui in ci lehsa ading neek lehdawn silh leh teen, kitangsap na ah I zat van nam tuamtuam min te kihilh kisin a, kipatah ding hun hongtung zo ahihi. Tua ahih man in mihing nunkhua ah alamdang taktak ahoihna lam te leh manneihna thumanpha te Lamdangsa in kihilh kisin huai mahmah hun ahihi.

Hau Thang