Al Qaeda te’n Rohingya vai hangin Myanmar gawtbawlsawm

Al Qaeda te’n Rohingya vai hangin Myanmar gawtbawlsawm

Al Qaeda Militants kici thautawi migilo te’n Myanmar’s Rohingya Muslims te ka panpihding uh ci a, hihbangin Bangladesh gamsung ah ataisakgawp Myanmar pen gawtna “punishment” kapiading uh ci’n genkhia cih Reuters pan kiza hi.

Hih Rohingya vaitawh kisai buaina pen August 25 ni in hongki limpakkiksan ahihi. Rohingya Militants kici thautawi migilo te’n Myanmar Army Posts te vasim masa uh ahih manin, tuapan in Myanmar Security Force te’n athuhkik ciangin hihciang atung ahihi.

United States sungah abeisa 11 September 2001 kumlai in World Trade Center leh muntampi ah buaina apiangsak Islamist Group te’n Rohingya te ka panpihding uh ci’n Statement khahkhia uhhi. Leitungbup aom Muslims te’n na biakna kibatpih uh hih Myanmar’s Rohingya Muslims te panpih un ci’n hawnthawn uhhi. Nekledawn ahi zongin, thauvui thautang tawh ahi zongin, galvan military support ahi zongin panpih un ci’n hanthawn uhhi.

Ih laizom Muslim Brothers te thuakna, kibawlsiatna pen gawtbawlna tawh thukkikding hihang ci’n Al Qaeda te’n Statement ah khahkhiamawk uh cih Site Monitoring Group pan kiza cihi.

Ka sanggam laizom Muslim Brothers te’n athuakdan uhpen Myanmar Government zong ciamkik sakding hihang ci uhhi.

Myanmar thunei te genkhiatna ah Myanmar Security Forces te’n agamsung abuaisaksawm migilo Terrorists te alehdo hilel hi. Rakhine State sung aom khuasung mipi Civilians te, Police leh Army te bawlsia ahih manin, aki lehdo hi ci’n genkhia uhhi.

Al Qaeda te buaisakna aomkhakding Myanmar Government inzong khuapi pawlkhat ah Bomb Attack akibawl khakding kidopding in Warning pia cihi.

Bangladesh, India, Pakistan, Philippines gamsung aom Mujahid Brothers te’n Kawlgamsung aom Muslim Brothers te akisapnana ah huhna piakding in kong hanthawn uhhi. Galdozia Training cihte akisap lehzong sinsakding kong hanthawn uhhi ci’n genkhia uhhi.

Related: Germany kumpi in Rakhine State sungah zatding in US$ 2.1 Million piading

Hih Myanmar, Rakhine State sung aom Rohingya te hangin leitung gamtampi te’n Myanmar Government mawhsak mahmah uhhi. Tuaban ah Al Qaeda Militants kici thautawi migilo te nangawntawh aki galneihding dinmunpeuh suaksak tamawk uhhi. Sawltak #zomidaily