AirAsia neipa Tony Fernandes in zi nei, Korea nungakno khattawh kiteeng
AirAsia vanleng Company aphuankhiapa Tan Sri Tony Fernandes in zineita cih NST pan kiza hi. Azi pen abeisa inzong alawmngaih ci’n akiza hiauhiauzel Korean Girlfriend tawh kiteengta cihi.
AirAsia neipa ii mopawi pen France, Cote d’Azur ah bawl uh a, meltheih tanau leh lawmlegual honkhatin muakngeingai uh cihi.
New Straits Times te’n nupathak te ii Couple Photo khat angahkhiatna ah Tony Fernandes ii apuansilh tepen mihau minthang mahmahkhat buangding in hoihveve petmah khollo tawh kibang hi. Three-piece Suit ci’n Coat puankhat atungpen ah silh a, asunga asilh Waistcoat leh apuantungsilh zong Color kibangsaklo hi.
Tuaban ah abombi Long Pant zongpen agial bialbualkhat hi a, a Coat puan Color tawh kisailuakei leh kilawm hi. Ahi zongin azipen Korea nungak khat himawk ahih manin, Korea Style zong hikhading hi 🙂
Photo sungah azi Korean nungaknu zong neihlelam, ngunlekham tampitawh kizem seselo in, Simple mahmahlel uhhi.
Tony Fernandes pen hih Korea nungaknu tawh aki ngaihzawh, Dating hunpen kum 2 valbang sawtkhinta kici a, zanni Saturday ni in akiteeng taktakta uh ahihi.
Tony Fernandes pen AirAsia Company aphuankhia leh aneipa ahih mahbangin Asia gamsung ah mihau minthang mahmahkhat ahihi. Ahi zongin azi pen mipi te’n ki theihpih khollo hi. Aminzong Chloe cihciangbek in kitheiphot a, akumzong 20 gualpawl hipan kici hi.
Tony Fernandes ii mopawi ah VVIP Guests honkhat kihel a, tualak ah AirAsia chairman and Tune Group chief executive Datuk Kamarudin Meranun, CIMB Group chairman Datuk Seri Nazir Razak, former international trade and industry minister Tan Sri Rafidah Aziz cihte kihel uhhi.
Related: Pope Francis leh AirAsia Company neipa kimuhkhopna neita ~ ZD
Tony Fernandes pen kum 53 aphakhin khat hi a, ahi zongin azi pen kum 20 gualbek hipan hi. Tony Fernandes pen aci, avun avomnam hi a, India gui panin apiang, Kuala Lumpur khuasung ah asuak ahihi. Azi pen aci, avun akangnam hi a, Korea gammi kici hi.
Behlapna: Banghang in zineihat tangvalpi te’n zi aneih ciangin nungakno cikcik, akum atawm theithei deihcitciat sese ahidiam? Aguh ngekzawdeuh cihna ahidiam? 🙂 Sawltak #zomidaily
Comment piaknop aomleh...