Abeisa kum 2 sung Malaysia thongsung ah Kawlgammi 60 val si

Abeisa kum 2 sung Malaysia thongsung ah Kawlgammi 60 val si

Abeisa kum 2 sungin Malaysia gamsung aom thong ihcih ziauziau “Immigration Detention Center” te ah gamdangmi akigawm in 100 valbang sihi ci’n “National Human Rights Commission” te’n Reuters te tungah genkhia uhhi.

Tua gamdangmi asi 100 val lakah Myanmar pen alangvalbang pha cimawk hi. Hihbangdan Data pen abeisa in ki genkhiangei khollo himahleh tukum in Malaysia Immigration Department panin ki ngahkhiathei hi.

“National Human Rights Commission” pen “Suhakam” ci’n Malay Acronym kitomlawhzaw a, Malaysia gamsung ah Human Rights vai leh Refugee tezong apanpih mahmahkhat ahihi.

Detention Center sungah asipen 2015 kumsung in mi 83 hi a, 2016 kumsung in mi 35 bang si ci’n pulak uhhi.

Thailand leh Indonesia gam aom Government Officials te’n hihbangdan Data tepen pulak khiatna neingeilo uh ahih manin tua gamsung aom Kawlgammi te Detention Center ah bangzahzah si cihpen kitheicianlo hi. Malaysia gamtawh koi tamzaw, tawmzaw cih tehkakding hamsa ci uhhi.

Ahi zongin US gamtawh aki tehkak ciangin tammahmah hi. Malaysia gam sangin US gamsung ah akiman tamzaw in thongsung atunlawh tamzaw hi.

Ahi zongin nungkum Financial Year sungah US Immigration Detention sungah asipen aki etkik ciangin mi 10 bek pha hi. Malaysia gamtawh kikhai mahmah a, thongsung ah bangci kikep, kikoih cihzong kikhai mahmah hikhading hi.

Malaysia gamsung aom Detention Center panin kum 2 sungin bekbek in Myanmar gammi asi akigawm pen 68 bang cimawk hi.

More: Malaysia pan Kawlgammi thongkia mi 138 ki ciahkhiasak ding

Tua Myanmar akici lakah ih sanggam Zomi pihzong tampimah kihelmawk a, nungkumlam bang thongsung panin hongnusia kizaknawh mahmah hi. ZD Sawltak #zomidaily