A vanglian Zeisu thawhkikna thupha mikim tungah hongtung tahen ~ Sia Pau Khai

A vanglian Zeisu thawhkikna thupha mikim tungah hongtung tahen ~ Sia Pau Khai

Matt 28:1-10 :: Christian te adingin athupi penpen in Zeisu thawhkikna ahihi. Topa Zeisu athokik lo hileh eite upna laigil aomlo tawh kibang ding hi. Atho kik Zeisu vangliatna imuh theih nadingin upna tawh dawn dihni.

Kum 2008 Oct 1 ni-in Topa Zeisu thawhkikna han ah kapai thei a, Zeisu kivuina hangsungah kalut ciangin kangaihsutna tampi tak hong kilamdang in ka tel mahmah thu khat ah, tuma kum 2000 lai a Zeisu thawhkikna mun ah tuni dongin avangliatna omlai hi cih kanuntakna ah katel mahmah thu ahihi.

Kum 2017 Zeisu thawhkikna in mimal kim adingin:

• 1. A kikhak tan kongpite kihonna hita hen,
• 2. A lamet bei nuntakna pan lametna thak hongtun tahen,
• 3. Aguallel nuntakna pan agualzo nuntakna hongtun tahen,
• 4. A damlo den nuntakna pan acidam sitset nuntakna hongtun tahen,
• 5. A thanem den nuntakna pan thathak ngahden nuntakna ah hongtun tahen,
• 6. Dinmun kician neilo nuntakna pan akip dinmun ah hongtun tahen,
• 7. Alawhsam nuntakna pan alawhcing nuntakna ah hongtun tahen ,
• 8. Kham theih guihtheih zang dinmun pan asiangtho dinmun ah hong tun tahen,
• 9. Ameidawi nuntakna pan ahangsan nuntakna ah hongtun tahen,
• 10. A thum thum nuntakna pan Lungdamko siam nuntakna ah hongtun tahen.
• 11. Leiba nei nuntakna pan Leitawi pia nuntakna ah hongtun tahen.
• 12. Innsap den nuntakna pen inn lei zo nuntakna ah hongtun tahen.
• 13. Suan leh khak neilo nuntakna pan suanlehkhak phungpha nuntakna ah hong tun tahen.
• 14. Mawhna thuk nuntakna pan mawhna maisak nuntakna ah hongtun tahen.
• 15. Tagah inn pan kumpi inn ah hongtun tahen.
• 16. Akha nuntakna pan akhum nuntakna ah hongtun tahen.
• 17. Aki hen nuntakna pan asuakta nuntakna ah hongtun tahen.

Zeisu in tuni in Laukei in, Dammaw cih kammal nih tawh hongdawn tuah den cih phawk in.

Zeisu Thawhkikna thupha maw, Thungetsakna leh deihsakna tawh, Sia Pau Khai April 12 (Louisville , Kentucky)