A mainawt minam ~ Tdkhen

A mainawt minam ~ Tdkhen

1. Mipicinglote’ aadingin mainawt baihlo-a, mipicingte ahihleh mainawt hamtang uh hi.

2. Mipicing a cihte pen a mau bek ki-en lo-in, mi dangte zong a en-te ahi uh hi.

3. Mipicing lungsim-ah a mipihte vei’na a om hi.

4. Mipihte vei’na in minam khual’na om sak hi.

5. Minam khual’na in a mimal dongin a vei sak hi.

6. Mimal vei’na in minam ki lainatna piang sak hi.

7. Minam kilainatna in minam apiangsakpa’ deihna ahi hi.

8.Minam aading nasepna in Pasian’ nasepna ahi hi.

9. Mipicingte in khangthu, ngeina thu, kizopnate a kan hamtang uh hi.

10. Mipicingte a guallelh hangin a lungsim uh a vanglian veve hi.

11.Mipicingte a pumpi uh sila hitaleh a lungsim uh to’lungsim hi gige hi.

12. Mipicingte lamet bei cih bang om ngei lo hi.

13. Mipicing taktakte in a kilempih loh a mipihte pen, namdang a lawmitte tawh khek nuam nai tuan lo uh hi.

14. Mipicingte in namdang lakah om taleh, namdang pau, namdangzia-te kilawhsak lo-in, namdangte lawh a sawm zaw uh hi.

15. Mipicingte in leitungbup ka gam hi, a cithei uh hi.

16. Mipicingte in a pianna gam, a nu a pa, a laiguizomte tawh kikhen hitaleh lungleng mai lo-in, a omna mun peuh a ma’ gam bangin a ngaihsun thei lel hi.

17. Mipicingte in a innkuante tawh kigamla semsem taleh, a gam a zai semsem bangin a ngaihsut zaw hi.

18. Mipicingte in innkuan om khawm a nasep a kuacik sang, innkuan kikhen-a nasep a zai a thupi sak zaw hi.

19. Mipicingte in a lawhcinna mun pen nasepna mun-in ngaihsun a, a gam a lei pen a zeek nading munin a ngaihsun uh hi.

20. Mipicingte in a gamla-ah om semsemleh, a lungsim zai semsemin, a inn a lo, a gam a nam a vei semsem zaw hi.

21. Mipicingte in a gam a nam a manthan loh nadingin, nam mualsuang a phut nuam uh hi.

22. Mipicingte in a gam a nam a guallelh khak ding lau-in, a gal-et den uh hi.

23.Mipicingte in, “Ka innkuan ka puahleh gam leh nam apuah ka hiding a, gam leh nam ka puahleh ka innkuan a puah ka hiding hi; banghanghiam cihleh gam sung galmuang keileh ka innkuan a buai ding hi” a ci hi.

24. Mipicingte in a ma’khang sung bek khual lo-in, khangsawn, tusawn dongin khualin, a lawhcin kei lezong, a lungtang(Thugil) nusiat sawm ngiat hi.

25. Mipicingte in lawhcin lawhsap thute-ah buai sese lo-in, lampi maan zuihding thupisak a, lawhsapna zong nasepna thupi khatin a ngaihsun lel uh hi.

26. Mipicingte in khangsawnte’ aadingin a tha a zung, a si a nai tawh a leikhol ngam ngiat uh hi.

27. Mipicingte in mite’ tungah lametna nei lo-in, mite’lamet hih ding a sawm zaw uh hi.

28. Mipicingte in leitung pen nasepna gam bekin ngaihsun uh a, nakpitakin semin, tawlngakna munpi khat om ding bangin a nungta thei uh hi.

29. Mipicingte in leitung bek mu lo-in, vantung dong a mu to thei uh hi.

30. Mipicingte in, “Zingvai bang ka kuanna, khawhlo simlei bukah, zaalna laikhun kiphah mahleh, lung ka laulo ee, zuang bang tho a, vai’ bang ciahna, lengvan saulim-ah, khenpih gual tawh dawnbang kituah ding hai bang kingak lai ni ee” ci hithiat uh! Tdkhen