A kilamdang nuntakna na nei khin hiam?

A kilamdang nuntakna na nei khin hiam?

Jesu tawh akimuh ma(Jesu mun a piakma) in mite’ neihsa a laksaksakpa Jekhe pen, Jesu tawh kimu-in a nuntakna sungah Jesu mun a piaktak ciangin, a piakhiapa(a hawmkhiapa) hong suak ziau a, a nunlui hoih lohna khempeuh nusia-in, a hoih lamah a kilamdang nuntakna tawh hong kalsuan hi.

Tua mah bangin, Jesu tawh na kimuh ma(Jesu mun na piak ma) in bangbang na hi phial zongin, Jesu tawh kimu-in amah mun na piakkhittak ciangin, na nuntakna pen a hoih lamah hong kilamdang ding ahi hi. A hoih lamah kilamdan’na na neih theih nai mel kei leh bel, na kisittel phat nahmah kul ding hi.

Jesu tawh a kimu(Jesu a thei) ciang bek hi loin, Jesu mun pia-in, amah a nei ngiat hih sawm ding hi hang. A hoih lamah nuntak khuasakzia kilamdan’sakna pen theihna tungah kinga lo zaw a, neihna tungah kinga zaw hi. Topa’n hong telsiamsak ta hen. Amen!

Khazih sungah,
David Tuang