A gualzo Nainganzi Tamar (Politician) nasuah nopleh

A gualzo Nainganzi Tamar (Politician) nasuah nopleh

PU PENGLAM ii POLITIK THUSIM NAM 9
*No 6 in na khuak ong hong lek ding hi.*
KITEELNA (ELECTION) ah GUALZAWHNA DING- Thusim

1. Mi a tam theithei i zaknop ding le lungkim ding thu vive gen ziahziah in. Apiang thei lo ding kamciam lompi khat pia in la hong up masiah gen phapha in. Mipi nung buai ding thu hih leh zong phamawh lo, mipi buai ding hi. Nang buai ding hi lo hi.

2. Na langpan pih ding, na Gal pih ding zong in. Na muh pak kei leh own tune ziau in. Abeisa le tulaitak supna, buaina, khantoh lohna, haksatna khempeuh tua na Gal na cih te hang hi cih um sak mahmah in. Na gal na cih te lian semsem, na nung zui ding tam semsem ding hi.

3. Na mipih te sung pan Nang tawh thupaidan akibang lo khempeuh gensiat theih zahzah in gensia in. Akisap leh phuak tawm in. Mi na gen siat zawh zahzah Na gualzawhna hi pahpah hi.

4. Leitungbup ah Nang pen minam a it pen, Mipi ading na a sem zo pen zah in kineih in. Bangbang na bia zongin na biakna uh ah a thu um pen bang in kineih khekhu in.

KITEELNA NA GUALZAWH KHIT CIANG

5. Ahih thei laisiah pau nawn kei in.. Pau loh theih loh ahih leh thudang tawh melh ziau in.

6. Na Mipihte haksatna, dongtuahna khempeuh mawhpuak ala ding mi dang, pawl dang, gamdang khat kawk masa leklek in. Mawhpuak cikmah (cikmah) hun in la ngei ken.

7. Nasepna zawh loh te ahih thei lai siah gen kei in.

Na kamciam te bang hang in piang thei lo cih pen paulap tuamtuam tawh na mipite in a up zawh masiah gen leuleu in.

8. Na pawl sung ah na tutna hong la thei kha ding khempeuh khak tan in la, pei khia in. Na tutna hong cin sak ding te, bek koih in.

9. Nang makaihna hong muang lo te, na thumuhdan hong deihpih lo te ko cih tak in ko in. Huhna na kisap leh – Nang taang in a gensia a ko ding Ka galkap te hong kawm in.

Kei mah na pu,
Penglam
Ref: FB/ Zingsol