A busim lungsim muthei in

A busim lungsim muthei in

1. Thu a pehtawi, upmawh thu a gen khat tung panin, a hilopi-in thu kiza khial thei hi.

2. Ih theihnop thu khat, hong haza gigete’ tung tawnin, a hilopi-in kiza khial thei hi.

3. Ih zak thu khat, ciamnuih leh cihtak a khen mello tung panin, a hilopi-in kiza khial thei hi.

4. Ih lawmte’ thu khat, hong sutuah nuam gigete’ tung tawnin, a hilopi-in kiza khial thei hi.

5. Ih huhnop mi khat, i huhpih ding midangte i zolna ah, amah in na huh ngei khin ahihmanin kisam a sa nawnlo na hithei hi.

6. A huhhuai mikhat tung panin zong, a neih sunsun khat, a huhthei ding mite in na lamen khinkhian thei veve hi. Tua lametna pen na cin zolo ahihmanin,”Tua mi huhtaa’k kei” ci-in a genna thu a za sawn a lawmte in zong a huhtaa’k lo mah sa kha thei uh hi. (2Sam 12:8).

7. Ama’ lam panin, a huhhuai ka hiam, huhhuai lo ka hiam cihte ki en khalo-a, mihau miliante a mawk gensiat mikhat’ thugenna hangin, i tunglam mite kimawk mawhsak ngiau thei hi.

8. Mikhat’ tangthu i kanna lamah i kan’nate in pangkhat lam bek panin a mu na hithei hi. A nung, a mai, a ziat, a vei-a mite tungah kan lai leng!(Thuhilhkik 19:15).

9. Ih ettheih mahmah kimlai khat, i lawmte in a ettheihloh manin, i ngaihsutna kilamdang thei hi. Tua pen i lawmte’ nuai-a omna na hi gige hi.

10. Mikhat huhhuai i muhna ah huhpaha, hilhhuai i muhna ah hilh pahin, tai’huai i muhna ah tai’pahna pen makai ciimte’ zia khat hi gige hi. A cinlohna dangte tawh etkhopna in laptoh nopna hilo-in, matlak nopna a suak zaw ding hi.

11. Hihna dang khat tawh a kilangkhia mi pen, a kilat nawnloh ciangin, a hihna taktak a kilang pan ding hi.

12. A mel kiselsim mipen, a kisel’ nawnloh ciangin na musim ding hi.

13. Dah na pi-a dahlo banga kilang thei mi pen, a kilat nawnloh ciangin na dahpih thei ding hi.

14. A kineih leh a kineih lo na theih nopleh, a kineih sung na tawlnga phot dinga, a kineih nawnloh ciangin na en pan ding hi.(hunkhat sung hu-ngaih).

15. Na mizia thei nuam-a hong ensim mi pen, hong etsim nawnloh ciangin na thei ding a, na kailua kha ding hi.

16. Ih lametna a banglo mite, a lametna i batloh man zong hi thei hi.

17. Hong kibawl’dan tungtawnin i kiphawka, i kiphawkna tungtawnin hong kibawl leuleu hi. Tua in kikhelna ahi hi.

18. Ki gamla-et leng i hoihnate kimu zolo hanga, kinai-et leng i hoihlohna zong kimu zolo leuleu hi.

19. Hoihna leh hoihlohna pen mihing ngeina hi-a, hoih taleh, hoih takeileh pen Pasian’ ngeina ahi hi.

20. Tung lam pan-a hong pai Khasiangtho in lungsim a siangtho sak hi. Lungsim siangtholeh, kineihkhemna, kimuanlahna, kilang-etna, kiphatsakna, cihte om lo-in vai khempeuh a siang hipah hi. Tua in Leitungbup-a kihawl thei kawikawi engine neihna ahi hi. Tdkhen