A 9 veina ZOSIAM Team te kuankikdek tading

A 9 veina ZOSIAM Team te kuankikdek tading

A beisa in Zogam ah cina 21119 te tungah damna thupha apuak khin Zosiam team te asawtlo in Zogam ah damna thupha puakdingin kuankik ta ding ahih manin akua mapeuh thupha bawldingin iki zawn hi.

Dec 12- Bethel Biakinnpi Kalaymyo ah kituah in thungen khawm ding.

Dec 13-14 – Center khatna – Valvum khua hiding hi.

Dec 15-16 – Center nihna – Haupi khua hiding hi.

Khuakim khuapam panin atam thei thei hongpai dingin kilunggulh hi.

Siavuan Siamah leh Pasian nasem te leh lasiam te kigawm mi 22 kim phading hi.

Kha leh taksa damna bukim puakdingin Zosiam te kiging khin ta hi.

Zosiam nasepna hangin :

• 1- Khua sungah kipumkhatna om hi.
• 2- Sangnau pangte vision hoih nei hi.
• 3- Kamphen kullo in cina ten anatna gen thei hi.
• 4- Siavuan Siamah ten itna taktawh damna thupha puakhi.
• 5- Kha thu ah khanlawhna om hi.
• 6- Siavuan ten cidamna ding thu limtakin gen hi.
• 7- Lasiam ten lahoih nono tawh hong nosuak sak hi.

Abeisa kum 8 sung hongmakaih Topa tungah lungdamna iko a, maban ah hong makaih laiding Topa tungah thungetna inei hi.

Sum leh paai , thungetna leh thapiakna akipan pumpi mahmah tawh akihel khempeuh te tungah lungdamna iko hi.

A 10 veina Zosiam Gospel Trip ding pen : Center khatna ding – Lamzang khua hiding hi.

Zosiam nasep pen kipumpiak nasep hi in itna tawh imipihte tungah nasep ahihi.

Lunggulhna tawh,

Zosiam Gospel Team
Augt 4,2017.