A (1) veina Australia Zomi Idol (Lasiam kidemna)

Zomi Association Australia Makai te vai hawm na tawh , Australia gam ah Zomi te Kum tam pi tung khin mah ta leh khat vei zong a ki bawl gei nai lo a hi, ZOMI IDOL ( LA SIAM KI DEM NA) pen , October kha 29 & 30 ,2016 ni in, Lei tung ah ten na ding a hoih penpen khua pi a hi MELBOURNE Khua pi ah na sia tak in ki bawl hi.

Hih La siam ki dem na ah, State tuam tuam pan hong pai uh aa, Queensland State, Brisbane Khuapi pan Tg KHAI TA, South Australia State , Adelaide Khuapi pan Lia SAN NU, Victoria State , Melbourne Khuapi pan, Tg KHAN LAM leh Pa TUNG THANG te Final ah ki dem thei uh hi. Thu Khen (Judge) ding in, Kawl Gam pan Lasa siam, Esther Cing San, Sya David Kham leh Tg Kap No te ki sam aa, Australia gam pan in Pu Zo Khai tawh Mi 4 in Thu khen ( Judge ) sem uh hi.

Ni masa ni in, La dawng 2 ta ki sa sak aa, a ,mat ki la pah hi, Final ni leh a tawp ni in, La Dawng 2 ta mah ki sa sak aa, tua tung tawn in thu khen te’n thu hong khen uh aa, Award tuam tuam te piak na ah, Rock Lasa siam pen Tg Khan Lam, People Choice pen Lia San Nu, Best Expression pen Tg Khai Ta leh Best Performance pen Pa Tung Thang in, pah tawi na ngah uh hi.

Tua khit ciang in 2016 Kum a (1) Vei na AUSTRALIA ZOMI IDOL ding in Melbourne Khua pi pan Pa TUNG THANG in Pah tawi na hong ngah hi. Tu kum a (1) vei na Australia Zomi Idol pen pi cing tak leh lawh cing tak in, ni tak nai 10 in ki zo thei aa, Melbourne om Zomi 250 kiim bang in va en uh aa, Live in a hi leh Phualva Media te in Lei tung bup ah LIVE in khah pah uh a hih man in , Mi tul 3000 val in Live in en thei uh hi cih ZAA Media pan thu thak ki ngah hi.

Lamhkim Samte
Melbourne