5.10.2014 Tuni leitung thuthang te

5.10.2014 Tuni leitung thuthang te

America President Obama in Kawlgam ah Nov.14 ni in hong pai ding ci in White House pan Nov.4 in gen khia uhhi.Kawlgam ah hong pai na ding hang pen EAS -Asia nisuahna lam a om gam te tawh thu kikupna ding leh America leh Asean gam te tawh Nyi Pyi Taw ah thu kikupna neih na om ding hang hi.Kawlgam hong pai ciang in Kawl gam President Thein Sein leh Daw Aung San Suh Kyi tawh zong kimu ding ci in,tua ban ah ASEAN khang no te tawh dotna leh dawngna te tawh thuki kup na zong nei ding cihi.Hih Asia khual zin na ah Nov.14-16 sung in Sen gam leh Augstrialia gam zong pai ding ci in White House pan in gen khia hi.

UNCHR te tuatna ah leitung ah gam nei lo mi awm 10(million) om ding hi ci in,tua mi te adam loh uh ciang zota ah kibawl khuan,pilna sinna khuan leh gam vai tawh kisai te ah vote piak na khuan te nei lo uhhi.Hih bang mite atam zaw pen galtai a omna camp pan asuak te leh minam vai, biakna vai ,gam vai tawh kisai a alam et na te hang in thu man lo a kibawl sia te ahi uhhi.UNCHR makai pi Antonia Guterres in genna ah gam nei lo naupang te pen gam mi hihna piak ding in kumpi te kiang ah hanthawm hing ci in gen hi.Hih thu te hang in UNCHR te in kum 10 sung in gam neilo mi te cih om nawn lo na ding , gam nei mi suaksak na ding in Nov.4 in kipan in pan la ta uhhi.

Holly Wood a kineih khem siam Angelina Julie leh Arch Bishop Desmond Tutu te in Nov.4 ni in Leitung ah gam mi hihna neilo te om nawn loh na ding in panlakna ah huh uhhi.UN refugee agency te genna ah leitung ah minute 10 sial in gam nei lo naupang khat ta suak cihi.UNCHR makai pi ahi Antonia Guterres in gen na ah kum 10 sung in gam nei lo mi cih om nawn lo ding hi ci in gen hi.Hih pen kum 10 sung in gam neilo mi awm 10 te pen lam et na pia cihi.Kawl gam ah Rohingya mi awm khat te in gam mi hih na nei lo uh a, tua pen leitung ah tam pen hi in, Ivory Coast,Thai ,Nepal,Latvia leg Dominica Republic te pen atam na gam te hi.

India gam Delhi nisuahna saklam ah papi khat in ata nu buan a agawh mi khat Palik te kiang ah aki ap ma in bawl sia in that lum hi.A heh mahmah papi pa in atanu buan ding a agawh kum 45 apha zatui zatang hawm koikoi a na sem pa pen pualap zong a thu kikup ding om ci in nitak an nekpih ding in sam hi.Papi pa in hih mipa pen tut phah tung ah (chair) tu sak in hen cip a apasalna taiteh sa tawh hal in a ngawng hek in that lum hi.Hih bang in papi pa in zatui hawm pa athatna hang pen atanu inn ah amah guak aom lai in zatui hawm pa in buan in mi kiang ah genlo ci in vau in nusia hi.Papi pa tanu kum 14 apha pen aci na in alungsim a am ciang zato alah uh leh Siavuan te in nau pai cihi.

Israel gam ah Hapoel Tel aviv leh Maccabi Tel Aviv te tukpeng kimawl lai in a en te khat in kimawlna sung ah pai in kimawl a om Hazavi pen tup leh suih suah hi.Zahavi zong kidalna in thuk kik pah a, referee pa in Zahavi pen tha guum zang ci in thukhun tawh kizui in hawl khia hi.Hih pen Monday ni in akimawl na uh hi in kipat zawh minute 33 ciang a thu piang hi. Hapoel Management pa in agen na ah hih mipa pen atawntunga tukpeng en thei loh na ding leh Palik te in thu abawl ding in ngen hi.Hih thu hang in kimawl na tualpi sung alut mi 12 te zong man uhhi.Zhavi pen Maccabi pawl ahihi.

Iraq gam a om IS te in Kurdish galkap numei te ka mat uh leh thatang hatna zang in zi ding in kala ding uhhi ci in gen hi.Hih thu tawh kisai in Numei Col. Rashid ii gen na ah amah leh agalkap pih numei te in thau tang puan iip sung ah puak sim ding in gen uhhi.Tu nung kal in zong Numei khat alwm te sih khit ciang in IS te in um cih in, IS te khut sung ah ka ki piak sang ci in amah leh amah kikap lum hi ci in gen hi. Ref:bbc,hro.voa,st,the times of israel. Cin Ngaih