2020 Election gal etna

2020 Election gal etna

Zomi te ading 2020 Election pen thupi phadiak hi. 1. 914 Zomi maban, 2. District maban, 3. National Grid(Meitha) maban, 4. Lampi maban, 5. Union Peace Conference -21st Century Panlong Maban…maban tampi tak ih neito hi. Hih khantohnate pen Biakna Pawlpi sumtawh sepzawh pakding hilo ahihman in ih khangtoh nop leh Politics lam ih ngaihven akul hi.

Zanggam 2020
Mipi lamet mahmah NLD in mipi lamet nazah in na sem zolo uh hi. 2015 lai dan in landslide Victory hamsa mahmah ding hi.

USDP pen kilim thawi mahmah a, NLD in ataisan Mualmi party te zono bawl mahmah hi.

People’s Party
8888 Ko Ko Kyi te pawl zong nashia takin hong kithawi ding uh hi. Kawlgam a politician atam zaw 88 generationte hi.

25%
Kawl Galkapten 25% tawh a kipawlpih ding ngak gige hi. Zanggam a Party lian ahi, NLD, USDP, PP te kidemna hong muh nop mahmah ding hi.

NLD in Kumpi a hih kik nang 51% aneih kul hi. USDP in kumpi a hih nang 26% bek kisam hi. 25% anei Galkap tawh kigawm leh 51% hipah hi. PP ten zong 26% bek mah kisam hi, amau kua tawh ki alliance ding cih ki thei khol vetlo hi, galkap tawh kigawm in Kumpi hong sem uh leh amau thu hi hial mawk hi.

Mualmi 2020
261a kikhel a, akikhel kei zong, Mualtung lam ah mualmite mah hatzaw hamtangh ding hi. Kachin, Yakhine, Mon,Kaya Shan, Kayin gamte ah Minam itna lungno pung mahmah hi.

Chin State 2020
Middle Chin State, Hakha, Thantlang, Falam lam ah Chin Party hat kha ding hi. Chin Party thum a kigawmna un nahoih semzo kha ding hi. Bi-Election in zong Chin Party mah in zo hi.

Southern Chin State ah Yakhine Party mun khat leh Chin n Party neuneute hat ding uh hi. CNF pan apai khia Southern lamte gen kazak hi.

Northern Chin State
Tedim leh Tonzang Myonee ah koici kalsuan leng hoih ding hiam. ZCD NLD USDP.. Chin Party tebel gen navet omkei, Zogam eikiang ah ngahlo ding uh hi. Union Level ah kumpi bawlzo ding party thumte dinmun galet in gamtat huai sa ingh.

Upper House leh Lower House ah ZCD bek tel cing ni. Union ah Minam Party min tawh Law Maker na vasem uh hen.

State mun nih ah NLD tel cing ni, NLD in Kumpi abawl leh Chin State ah Chief Minister mun ngen pah thei ding a mipil hipah leh.

State mun nih ah USDP telcing ni, USDP zong kumpi suak thei ahihman in State ah mun ih ngah nang lampi hi.

Kilawm sam ei, hih bang a, ih omzawh lian leh Zomite a neu penpen Chin State ah Chief Minister leh Cabinet ah mi2 ki hel limlim pah ding hi. Union ah lah, mi5 thu limlim ding, Zogam hong paallun saisai ding hi. Ngaihsut huai, Lungdam, Cin Lian Khai (Zogamkhaino)