2015 kumsung Ebola zatui Million tampi ki bawlkhia ding

2015 kumsung Ebola zatui Million tampi ki bawlkhia ding

Ebola natna kidalna “Ebola Vaccines” sut tulthen tampitak 2015 kumbeiciang ki bawlkhiading hi ci’n World Health Organization in tangko khia uhhi.

2015 kumkipat kumlangsung inzong tultampitak ki bawlkhiazo tading cihzong genkhia uhhi.

Hih Ebola Vaccines pen 2014 December khasung inzong West Africa gamsung aom cidamna lamtawh kisai nasem Health Workers te kiangah ki puakzo tading hi cihzong WHO pan genkhia uhhi.

Ahi zongin hih Ebola Vaccines pen natna abeisiang sakpah ziauding damdawi “Magic Bullet” hisamlo hi cihzong WHO in genbeh hi. Ebola natna pen damsiang sensan nading hamsalai veve ci uhhi.

Leitung gamtuamtuam ah WHO makaihna leh damdawi bawlsiam Drug Manufacturer tampi te’n Ebola natna daltheih nading in zatui nakkan mahmahlai cihzong kiza hi.

A damtheipak nawnlo zahphialding in aki lamen ahi Ebola natna Virus a ngahkha pawlkhat pen tu in hoihlam hong manawhta uh ahih manin lungdamhuai mahmah hi.

Dallas, Texas aom Nurse khatpen Ebola natna hangin Africa gampan USA gamah aki ciahpih hi a, tu’n Ebola Virus neinawnlo cihi.

European Union Leaders te’nzong Ebola natna daltheih nading in sumbul tamzatsawm semsem uhhi. Euro 600 Million zatding agelna panin tu’n Euro 1 Billion zatding dongin Budget khanto uh a, Ebola natna pen nat phiatmaisawm mahmah uhhi.

Zomi te’n nisim in noptak in ihzat ziahziah Facebook bawlkhiapa Mark Zuckerberg (Facebook Founder & CEO) inzong hih Ebola natna daltheihnading nasepna ah $25 Million tawh panpihna neikhia cihzong kiza hi. ZD Sawltak