13.11.2014 Tuni leitung thuthang te

13.11.2014 Tuni leitung thuthang te

OBAMA NYI PYI TAW TUNGTA.
U.S President Obama pen kum nih sung in anih vei na ding in Nyi Pyi Taw ah Nov.12, nitak 7:40 PM in hong tung ta hi.Asean khawmpi leh Asia nisuah na lam gam te khawm pi ah gam makai 18 te hong tung na ah Obama pen atawpna pen ahihi.2012 kum in Kawlgam hong pai lai in Yangon bek ah pai in,tun ahih leh Nyi Pyi Taw pen akhat vei pai na ding hi.

AKSI NELKAI TUNG AH KUMTHEI TA
Leitung tawh KM awm 500 val agamla a om 67P Aksi nelkai tung ah Philea van leng neu tawh tung thei ta uhhi.Hih bang a apai thei na uh hang in Germany gam Darmstadt khuapi pan mipil te in gual zawh na bawl uhhi.Philea van leng neu pen kum 4000 kim bang pha ding aki um mawh Aksi nelkai pan in leivui te encian in,tua pan solar system hong pian na pen kitel thei zaw dingin lam en uhhi.Hih thu hang in European Space Agency te in gual zawhna lianpi hi ci in gen khia uhhi.

IRAQ GAM AH BOMB PUAK KHAM
Nov.12 ni in sihpih bomb, mawtaw bomb te puak khap na hang in Palik zumpi akihel ,mi 23 si hi.Baghdad khuapi al_Nisour square a Palik zum ah mawtaw bomb puak kham na hang in mi 11 si a, tua lak ah Palik 6 kihel in, mi 20 kim liam hi.Baghdad sak lam a om Diyala gamke ah sihpih bomb puak khapna hang in galkap Col.Faisal leh mi dang 5 si hi.Baghdad khanglam a om Yusifiya khuapi ah sihpih bomb puakkham na hang in mi 6 si in 20 liam hi.Iraq gam pan June kha in IS te in Sunni tamna gam te alak vua kipan in Iraq kumpi in do zo nai lo in gam sung ah buai na tampi om hi.

ZAVOM KICIIN TAM PEN
Leitung ah zavom kiciin tam na pen gam in
Afganistan gam hi in ,leitung ah zavom 80% pen amau gam pan in apiang hi.Nung kum sang in 17% kim bang khan in ciin uh a,ton 6,400 tan tamzaw in,acre 553 khan in ciin hi.Hih zavom pan in Taliban te in sum laklut na neina tampen hi.U.S te in 2001 kum aki pan guih thei kham thei do na din gin $7,800 m.zang ta uhhi.

LIBYA GAM AH BOMB PUAKKHAM
Libya gam, kumpi thu neih na khua pi ahi Tabruk leh Labra khuapi ah bomb puakkham hi.Hih khuapi te ah mawtaw bomb puak kham na hang in mi 13 si in 15 liam hi ci in Al Jazeera in gen hi.2011 kum akipan Muanmar Gaddiafi aki paihkhiat akipan in,Libya gam kee te in ahonhon in om uh a,mi nam kibang lo te,kipawlna pan a meng khia te, galkap migilo te in thu neih na ki tuh in kidodo uhhi.hih bomb puak kham tawh kisai in Kumpi galkap pan Hegazi ii gen na ah IS te tawh kizom hiamgam ,Dera khua a om te ii puak khap sak hi ci in mawh siat hi.

GERMANY GAM AH IS TE PANPIH DING A MUAN MAWH TE KIMAN
Germany Palik te in Syria leh Iraq gam a IS te pan pih ding in amuanmawh uh mi 9 man uhhi.Hih amat te lak ah Ger maqn mi 8 ki hel in, tua te pan kum 22 pan 36 kikal hi in, adang khat pen Pakistan gam mi kum 58 apha Mira Tamoor hi.Hih te pen IS te sum leh paii akipan panpih ci in mawh siat hi.Hih thu hang in IS te kiang pan hong ciah te Europe gam ah lau na om hi.Germany gam pan in IS te kiang ah galkap alut mi 450 om in tua lak pan in mi 150 te Germany gam ah ciah uhhi. Ref; Ai-jazeera, bbc, voa, hro,afp, 7day dailynews. Cin Ngaih