12.11.2014 Tuni leitung thuthang te

12.11.2014 Tuni leitung thuthang te

Zeisu pen Mary Magdalence tawh kiteen in ta 2 nei hi ci in,1,500 upa Britist labu sal ah akikem The Lost Gospel akici lai bu ah muthei ding in om hi.Hih lai bu pen 570 AD kim in Aramic pau tawh ki gelh ci in,Israel-Canadian lai gelh sia Simcha Jacobvici leh York University a Professor Barrie willson te in gen hi.

India gam lai zang pawl aa om zato inn khat ah numei nau phiatna pan in mi 9 si in mi 53 pen zato inn pi ah puak uhhi.Hih numei te pen kum 26 leh kum 40 kawl kal upa te hi in,avek pi in numei 83 pha in Siavuan khat leh ahuh Siavuan khat tawh nai 6 sung in nau phiat sah uh hi ci in tualsung mite in gen hi.Hih thu piang na hang in Siavuan ulian mi 4 te aza pan in na sep kikhawl sak pah uh hi.Hih akikhawl sak siavuan te lak ah khat pen nung kum in numei 50,000 kim nauphiatsak na hang in pahtawh na angah khat kihel cih kithei hi.India gam ah mi 1.3 billion pha uh ahih man in mi pung loh na ding in kumpi te in nuaphiatna zato te honng hi.

Leitung ah Terrorist te lah ah ahauh peh ISIS te hilo in Hamas te hi ta hi ci in Israel forbe in gen hi.IS te ahau pen ahih lai un $2 billion nei in, ahih hang tun Hamas te in tua pen khupnelh ta hi.tu nung in hamas te anih nq ahih laqi un $1 billion nei hi.Hamas te in hih zah a ahuah thei na uh pen leitung mun tuamtuam pan a huh na khempeuh amau khut sung ah atung hang ci hi. Tua khat ciang adang te pen:

• 3. Comlumbia FARC $ 600 m.
• 4.Hebollah $500 m.
• 5.Taliban $ 400 m.
• 6.Al-Qaida tawh akizom pawl $150 m.
• 7.Pakistani-based Laskar e-Tabia $100
• 8.Somalai Al-Shaabaab $50 m.
• 9.Real Ira % 50 m
• 10.Boko Haram $50m cih bang hi.

Nov.11 ni in Israel galkap te in Palestian te khat thau tawh kap lum hi. Hih pen Palestinian te in Israel galkap khat leh nupi khat tem tawh asuam khit uh ciang a thu piang hi in,mipi sinsona aom ding lau mahmah uhhi.Hih bang a kum 21 apha plestinian pa akapna hang pen mipi lak ah Perol bomb alot hang leh suang tawh adeng hang cihi.

April kha a akibung South Korea a tembaw Captain pa pen mi sihna leh awl mawh lo a pum nusiatna cih mawh sak na hang in kum 36 sung thong kia ding in thu kikhen sak uhhi.Hih Sewol tembaw in mi 476 pua in tua lak ah mi 300 val si in, atam zaw pen sang nau pang vive ahihi.Tu kal sung in asi sa te luang zong khawl bawl uh a,mi si luang kua mu nawn lo uhhi.Tembaw Captain Lee Jun Seok leh anasep pih mi 15 te na sai tak in dan pia uhhi. Kumpi Sitni te deihna bang hi leh captain pa pen sih dan pia ding in ngenn uhhi.

Thai kumpi tew in thai gam tuipi sung pan galtai Rohingya te guunkuang tawh apai mi 300 val man uhhi.Hih mite in Kawlgam pan hi ci in kigen uh a,ahih hang in mu thei ding in bang mah nei lo uhhi ci in gen uhhi.Rohingya tw pen Malaysai pai ding cih kithei a,pawwl khat numei te pen Malaysai ah apasal te kiang ah pai ding cih kithei ahi ci n Palik te in gen hi.Thai Palik te gen naq ah Kawlgam tuipi sung ah kha kik ding ci in, tua hih leh amau tawh bang mah kisai na omlo ding ci hi.

HongKong ah mipi lungkim lo te in puanbuk lam in mipi tam na ah om uhhi.Thukhen zum pan in Palik te thupia in buaina omloh na hemkhia na ding thu pia in,kumpi thu nei te in vua na pia hi.hih thu tawh kisai in Cheif Sacretary Lam ii gen na ah Sang naupang makai te tawh thukikup ding pen haksa ta cih thu ngen in, mipi te in lampi te, kumpi innpi te ah a om na uh pan in akihep khiatna ding in hanthawm hi.Mipi lungkim lo te in sept.18 akipan in lungpho lakna nei uhhi. Ref:hro, haaretz, bbc, j.onlinenews. Cin Ngaih