‪Nang‬ Khentatna athupi pen

‪Nang‬ Khentatna athupi pen

‪Tutung‬ tan 10 ah gualzawhna hong ngah nau te in Innkuan Meeting sam in mailam ah banglam Pilna sang kahding ka hiam? cih Nu le Pa tawh kikum khawm in ei uk, ei ut Pilna lam sinthei in Pasian aa ding le ii Gam, ii minam aa ding-in nasep hoih, makaihzia aman tawh hong makaih thei ding makai nong suah nading in Thu kong ngetsak hi.

Tua tawh kituak in Kawlgam ah Tan 10 gualzawhna I ngahkhit ciang Pilsin izop nop le ei uk, ei sin nop, ei kahnop ikah theih nading in khentat theihna inei hi, ahi zong in tua ei khentat na hong khaktan thei kei milmal muh nam nih kong gelhsuk nuam hi.

‪Hongkhaktan‬ nam nih te-in Kawlgam Pina lam system, anihna ah Nu le Pa hongdeihsak na ci-in ka khen hi. Hih nihte banghang in tel kahiam? Cihthu kikum sukdih ni.

‪Kawlgam‬ Pilna lam System Kawlgam ah Tan 10 gualzawhna I ngahkhit ciang bek in University, Collage te kikah to-thei pan hi. Tua ban ah tan 10 ah gualzawhna i-ngah khit ciang ei ut University, Collage kikah thei hiam cileng kikah thei tuanlo in Tan 10 pan I Mark ngahzah tawh kizui in I Mark atam leh Pilna asang kisin thei in, I Mark atawm pianle asang khollo Pilna kisin kha hi.

‎Tua‬ ahih man-in Tan 10 ah gualzawhna i-ngah hang-in ei ut,ei uk pilna kizom khalo thei mawk hi. Tua ahih man-in Kawlgam Pilna lam System inzong ei uk,ei ut Pilna isin theih nading in hong khaktan pi khat in kamu hi.

‪#‎Nu‬ le Pa hongdeihsak Nu le Pa in atate uh Pilna sang hongsin sak nuam in, gualtung ituan zawh ding zong hong deihsak mahmah hi. Tua ahih man-in Tan 10 i-zawh khit ciang in ei ut, ei uk le Nu le pa hong sinsak nop kibang lokha thei hi. Tua dan ituak ciang in Nu le pa thu mangnuam i-hih man- in ei uk loh, ei ut loh pilna lam kisin kha thei hi.

Ei ukloh, ei ut loh Pilna lam isin khak ciang in ilunglut lo-in isin Pilna lam ah ki gualzo khollo thei mawk hi, tua a hih man-in hun tampi bei, sum tampi bei in isin, sang ikah hang gualzawhna kingah zolo mawk hi. Tua ahih man-in Nu le Pa hong deihsak na zong imai lam sang kah nading hongkhaktan khat zong hithei mawk hi.

‪#‎Koidan‬ in kalsuan leng ei uk, ei ut Pilna lam le Nu le pa hongsin sak nop pilna lam kituak thei ding hiam cih ngaihsun dihni. A khatna ah Nu le Pa in zong ei cihbek hoih hisak lohding hong thupi mahmah kha ding hi, tuamah bang in Tate inzong ei lungsim bek I thupit sak loh ding thupi mahmah ding hi. Tate in i-sin nop, i-kah nop sang kahleng koidan in mailam ah phattuam na omthei ding, koidan ciang aa kizang thei ding, banghang in hih sang kahnuam kahiam? cih Nu le Pa in hongtel pih nading in tate in i-gen siam ding kisam mahmah khading hi. Tua mah bang-in Nu le Pa inzong ideihsak nate awnem tak le aw khum tak in I tate i-gensiam ding thupi mahmah ding hi. “ Kei napa hing, kei nanu hing, kei ko cihdandan aa hong mangding, nong-man kei uh-leh hong panpih nawnlo ding” cihdan in I tate I makaih lohding thupi mahmah ding hi.

#Tua ahih man-in Tate zong amau lunglut Pilna lam asin theih nading le Nu le Pa deihsak dan in tate’n hong zuih theih nading Innkuan Meeting itut theih nading hun khat limlim lakding hong kisam khading in ka um hi. Banghang hiam cihleh Meeting ahih natawh kituak in U ham gen, naupang gen cih omlo in ei muhna tek leh ei ngaihsut natek suakta tak-in kigen thei ahih man-in, khat le khat kikal ah kiteel khialhna, ki sangkhialhna om theilo hi.

‪#‎Leitung‬ ah mihing khat in ipian in Pasian in khentat theihna hongpia khinsa in hong suaksak hi cileng khialhna omlua in ka um kei hi. Tua mah bang-in ei khen tatna hoihmaw/ hoihlo cih zong ei mahmah in I khentel thei hi.

Lungdam!
By
CS Mung No
Zingsol